ખેડૂત આંદોલનના સપોર્ટર સોનુ સૂદની નવી ફિલ્મ 'કિસાન' અનાઉન્સ થઇ, બિગ બીએ શુભેચ્છા આપી.

Published By : B.K.NEWS DAINIK
Published Date : 2021-01-04 14:37:02
Views : 419
Modified Date : 2021-01-04 14:37:02

એક્ટર સોનુ સૂદ જે આ મહામારીમાં લોકોની મદદ કરીને મસીહા બની ગયો છે તેની નવી ફિલ્મ અનાઉન્સ થઇ છે. 'કિસાન' નામની ફિલ્મનું અનાઉન્સમેન્ટ અમિતાભ બચ્ચને સોશિયલ મીડિયા પર કર્યું છે. 'કિસાન' ફિલ્મને 'શૂલ' ફેમ ડિરેક્ટર ઈ નિવાસ ડિરેક્ટ કરવાના છે. ફિલ્મના પ્રોડ્યુસર 'ડ્રીમ ગર્લ'થી ડિરેક્ટર તરીકે ડેબ્યુ કરનારા રાજ શાંડિલ્ય છે.બિગ બીએ સોશિયલ મીડિયા પર લખ્યું કે, 'કિસાન ફિલ્મને શુભેચ્છા, ડિરેક્ટર ઈ નિવાસ અને એક્ટર સોનુ સૂદ.' આના પર સોનુ સૂદે વળતો જવાબ આપી અમિતાભનો આભાર માન્યો હતો.

હાલમાં જ સોનુ સૂદ KBCના સેટ પર પહોંચ્યો હતો. જ્યાં તેણે પોતાની બુક 'આઈ એમ નો મસીહા' અમિતાભને ગિફ્ટ કરી. સોનુ સૂદે લોકડાઉન દરમ્યાન ઘણા બધા મુસાફરો, મજૂરોની મદદ કરી તેમને ઘરે પહોંચાડ્યા હતા. આ સિવાય સોનુ સોશિયલ મીડિયા પર સતત એક્ટિવ રહીને જરૂરિયાતમંદ લોકોની મદદ કરવા અગ્રેસર રહે છે. લોકોના ભણતર, હેલ્થ વગેરે માટે તે પોતાની બનતી સહાય પૂરી પાડી રહ્યો છે.હાલમાં જ્યારે દેશમાં સરકાર વિરુદ્ધ ખેડૂત આંદોલન ચાલી રહ્યું છે, તેને સોનુ સૂદે સપોર્ટ કર્યો છે. સોનુએ થોડા દિવસ પહેલાં 'ખેડૂત છીએ તો આપણે છીએ' આવી વાત સોશિયલ મીડિયા પર કરી હતી. હવે આ માહોલમાં તેણે નવી ફિલ્મ 'કિસાન' અનાઉન્સ કરી છે.

સોનુએ અગાઉ બોલિવૂડ હંગામાને આપેલા એક ઇન્ટરવ્યૂમાં કહ્યું હતું કે એક એક્ટર તરીકે હજુ મારે લાંબો સફર કરવાનો છે. તે સપના સાથે, જેને હું લઈને આવ્યો હતો, તે હજુ પૂરા નથી થયા. મને લાગે છે કે તેને પૂરા કરવા મારી પ્રાથમિકતા છે. રાજનીતિમાં જવાનો કોઈ ફિક્સ ટાઈમ નથી હોતો, કોઈ કાળ નિશ્ચિત નથી હોતો. 5 કે 10 વર્ષ પછી પણ તેને જોઈન કરી શકીએ છીએ. મને 10 વર્ષ પહેલાં ઓફર મળી હતી. હજુ પણ મળી રહી છે, પણ મને કોઈ રસ નથી.