ગો ડિજિટ ઈન્સ્યોરન્સની IPO અરજીની પ્રક્રિયા અટકાવી SEBI એ

Published By :
Published Date : 2022-09-20 17:14:32
Views : 263
Modified Date : 2022-09-20 17:14:32

સેબીની વેબસાઇટ પર ઉપલબ્ધ માહિતી મુજબ, નિયમનકારે કારણો જાહેર કર્યા વિના ગો ડિજિટની IPO અરજીની પ્રક્રિયાને સ્થગિત કરી દીધી છે. કંપની ઓટો ઈન્સ્યોરન્સ, હેલ્થ ઈન્સ્યોરન્સ, મરીન ઈન્સ્યોરન્સ, એસેટ ઈન્સ્યોરન્સ સહિત અન્ય વીમા ઉત્પાદનો પ્રદાન કરે છે. આ ઉપરાંત સેબીએ આઈનોક્સ ગ્રીન એનર્જીના આઈપીઓને મંજૂરી આપી છે અને તેની સાથે બીબા ફેશન્સના આઈપીઓની મંજૂરીની દુવિધા પણ દૂર થઈ ગઈ છે. સેબી હવે IPOની પ્રક્રિયા આગળ ધપાવશે. કેપિટલ માર્કેટ રેગ્યુલેટર સેબીએ વિરાટ અને અનુષ્કાની ઈન્વેસ્ટમેન્ટ કંપનીની આઈપીઓ અરજીની પ્રક્રિયા અટકાવી દીધી છે. જેના કારણે વિરાટ અને અનુષ્કાને મોટો ઝટકો લાગ્યો છે. તમને જણાવી દઈએ કે મૂડી બજાર નિયામક SEBI, કેનેડાના ફેરફેક્સ ગ્રૂપ દ્વારા સમર્થિત, ગો ડિજિટ જનરલ ઈન્સ્યોરન્સ લિ. ઇનિશિયલ પબ્લિક ઑફરિંગ (IPO) માટેની દરખાસ્ત હાલ માટે સ્થગિત કરી દેવામાં આવી છે. જોકે, સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા એ આ અંગે કોઈ વિગતો આપી નથી. ગો ડિજિટે 17 ઓગસ્ટના રોજ મૂડી બજારના નિયમનકાર પાસે IPO માટે દસ્તાવેજો સબમિટ કર્યા હતા. ક્રિકેટ ખેલાડી વિરાટ કોહલી અને તેની પત્ની અનુષ્કા શર્માએ કંપનીમાં રોકાણ કર્યું છે. ગો ડિજિટના IPO અંગે સબમિટ કરાયેલા દસ્તાવેજો અનુસાર, કંપની IPO હેઠળ રૂ. 1,250 કરોડના નવા ઇક્વિટી શેર ઇશ્યૂ કરશે અને પ્રમોટર અને હાલના શેરધારકો 10.94 કરોડ ઇક્વિટી શેર વેચાણ ઓફર માટે મૂકશે. કંપની આઇપીઓ હેઠળ જાહેર કરાયેલા નવા ઇક્વિટી શેર દ્વારા એકત્ર કરાયેલી રકમનો ઉપયોગ મૂડી આધાર, કંપનીના સામાન્ય હેતુઓ અને અન્ય કાર્યો માટે કરશે.