લુધિયાણામાં કોવિડ પ્રોટોકોલથી સતીશ કૌલના અંતિમ સંસ્કાર થયા, એક્ટરની ઘર લેવાની ઈચ્છા અધૂરી રહી ગઈ.

Published By : B.K.NEWS DAINIK
Published Date : 2021-04-13 11:26:00
Views : 544
Modified Date : 2021-04-13 11:26:00

પંજાબી ફિલ્મના અમિતાભ બચ્ચન કહેવાતા સતીશ કૌલનું 74 વર્ષની ઉંમરમાં અવસાન થયું હતું. એક્ટરના અંતિમ સંસ્કાર કોવિડ પ્રોટોકોલ ફોલો કરીને કરવામાં આવ્યા. તેમને લુધિયાણાના મોડલ ટાઉન ક્રીમેટોરિયમમાં મુખાગ્નિ આપવામાં આવી. તેઓ કોરોના પોઝિટિવ હતા. 300થી વધુ ફિલ્મમાં કામ કરનાર સતીશે સિરિયલ 'મહાભારત'માં ઈન્દ્રનો રોલ પ્લે કર્યો હતો. 74 વર્ષીય સતીશને તેમના અંતિમ દિવસોમાં સરકારની મદદ ના મળી કે ઇન્ડસ્ટ્રીમાંથી પણ કોઈની મદદ ના મળી. એટલું જ નહિ પણ તેમની સારવાર પણ એક ચેરિટેબલ હોસ્પિટલમાં ચાલુ હતી.

ગયા વર્ષે લોકડાઉન દરમિયાન સતીશે એક ઇન્ટરવ્યૂમાં પોતાની મુશ્કેલ પરિસ્થિતિ જણાવી હતી. તેમણે કહ્યું હતું, હું દવાઓ, કરિયાણાની વસ્તુઓ અને જરૂરિયાતની બેઝિક વસ્તુઓ ખરીદવા માટે સંઘર્ષ કરી રહ્યો છું. હું ઇન્ડસ્ટ્રીના લોકોને મદદ કરવા વિનંતી કરી રહ્યો છું. મને એક એક્ટર તરીકે ઘણો પ્રેમ મળ્યો. મારી ઈચ્છા છે કે હું સારી જગ્યાએ ઘર લઇ શકું. ત્યાં હું શાંતિથી રહી શકું. એક્ટિંગની આગ હજુ પણ મારા અંદર છે. તે ઓલવાઈ નથી. કાશ..મને કોઈ કામ આપી દે. હું કોઈ પણ રોલ કરી લઈશ. હું ફરીથી એક્ટિંગ કરવા માટે એક્સાઈટેડ છું.

સતીશ કૌલની બહેન સુષ્મા કૌલે કહ્યું હતું, 'તે લુધિયાણામાં રહેતા હતા. પાંચ દિવસ પહેલાં તેમને તાવ આવ્યો હતો. જોકે, તે સમયે તેમણે કોવિડ 19નો ટેસ્ટ કરાવ્યો નહોતો, કારણ કે તેમને ડર હતો કે તેઓ પોઝિટિવ આવશે. 3 દિવસ પહેલાં તેમની પરિસ્થિતિ ઘણી જ બગડી હતી અને તેમની કેર ટેકર તેમને તાત્કાલિક હોસ્પિટલ લઈ ગઈ હતી. અહીંયા તેમનો રિપોર્ટ પોઝિટિવ આવ્યો હતો, પરંતુ તેમની સ્થિતિ સારી હતી. આજ સવારે જ મેં તેમની સાથે વાત કરી હતી. જોકે, થોડાં કલાક બાદ જ તેમના અવસાનના સમાચાર આવ્યા હતા.'

સતીશ કૌલે પંજાબી, હિંદીમાં 300થી વધુ ફિલ્મમાં કામ કર્યું હતું, જેમાં 'આંટી નંબર 1', 'પ્યાર તો હોના હી થા', 'ખેલ', 'કર્મા' સહિતની ફિલ્મમાં કામ કર્યું છે. ટીવીમાં 'વિક્રમ ઔર બેતાલ', 'ધ રિયલાઈઝેશન ઓફ પ્રિન્સ આનંદસેન' સહિતના વિવિધ શોમાં કામ કર્યું હતું.