રીતિક રોશન અને ટાઇગર શ્રોફની ‘વોર’ ફિલ્મે 3 દિવસમાં 100 કરોડ રૂપિયાની કમાણી કરી

Published By : B.K.NEWS DAINIK
Published Date : 2019-10-05 17:07:42
Views : 411
Modified Date : 2019-10-05 17:07:42

બુધવારે એટલે કે 2 ઓક્ટોબરે રિલીઝ થયેલી વોર ફિલ્મે ભારતમાં 100 કરોડ રૂપિયાની કમાણી કરી લીધી છે. જો કે, આ હિન્દીની સાથે તમિળ અને તેલુગુની કમાણી ભેગી થઈને આટલું કલેક્શન થયું છે. ટ્રેડ એનાલિસ્ટ તરણ આદર્શે આ બાબતે ટ્વીટ કરીને માહિતી આપી છે. હજુ વિકેન્ડમાં કલેક્શનમાં વધારો થાય તેવી શક્યતા જણાઈ રહી છે.ત્રણ દિવસમાં 100 કરોડ કમાનારી યશરાજની 5મી ફિલ્મ 'વોર' યશરાજ ફિલ્મ્સના બેનર હેઠળ બનેલી પછી પાંચમી ફિલ્મ છે, જેણે માત્ર 3 દિવસમાં 100 કરોડ રૂપિયાની કમાણી કરી છે. આની પહેલાં 'ધૂમ 3', 'સુલ્તાન', 'ટાઇગર ઝિંદા હૈ', 'ઠગ્સ ઓફ હિન્દુસ્તાન' ત્રણ દિવસમાં 100 કરોડ રૂપિયાનો આંકડો વટાવી ચૂકી છે. આ ફિલ્મની કમાણી ક્રમશ: 280.35 કરોડ રૂપિયા, 300.45 કરોડ રૂપિયા,339.16 કરોડ રૂપિયા અને 145.29 કરોડ રૂપિયા હતી.

દિવસ	હિન્દી વર્ઝનની કમાણી	તમિળ+તેલુગુ વર્ઝનની કમાણી	ટોટલ
બુધવાર	51.60 કરોડ રૂપિયા	1.75 કરોડ રૂપિયા	53.35 કરોડ રૂપિયા
ગુરુવાર	23.10 કરોડ રૂપિયા	1.25 કરોડ રૂપિયા	24. 35 કરોડ રૂપિયા
શુક્રવાર	21.30 કરોડ રૂપિયા	1.15 કરોડ રૂપિયા	22.45 કરોડ રૂપિયા
કુલ કલેક્શન	96 કરોડ રૂપિયા	4.15 કરોડ રૂપિયા	100.15 કરોડ રૂપિયા

રીતિક રોશનની હાઈએસ્ટ ગ્રોસરી ફિલ્મ રીતિકના કરિયરમાં 3 દિવસમાં આટલી કમાણી કરનારી આ પ્રથમ ફિલ્મ છે. એટલું જ નહીં પણ ટાઇગર શ્રોફ અને ડિરેક્ટર સિદ્ધાર્થ આનંદની પણ અત્યાર સુધી કોઈ ફિલ્મે માત્ર 3 દિવસમાં 100 કરોડ રૂપિયાનો આંકડો વટાવ્યો નથી.

નામ	ફિલ્મ	લાઈફટાઈમ કલેક્શન	100 કરોડ સુધી પહોંચવામાં લાગેલા દિવસ
રીતિક રોશન	ક્રિશ 3(2013)	240.50 કરોડ રૂપિયા	4
ટાઇગર શ્રોફ	બાગી 2(2018)	165 કરોડ રૂપિયા	6
સિદ્ધાર્થ આનંદ	બેંગ બેંગ (2014)	181.03 કરોડ રૂપિયા	5