RBIએ રેપો રેટ વધારીને 5.9% કર્યો,મોંઘી થશે લોન

Published By :
Published Date : 2022-09-30 13:40:52
Views : 229
Modified Date : 2022-09-30 13:40:52

સેન્ટ્રલ બેંક (Central Bank) દ્વારા કહેવામાં આવ્યું છે કે આ નિર્ણય તાત્કાલિક અસરથી લાગુ કરાશે. RBI ગવર્નર શક્તિકાંત દાસે આ નિર્ણયની માહિતી આપી છે. આરબીઆઈ ગવર્નરે કહ્યું છે કે, મોંઘવારીનું જોખમ હજુ પણ યથાવત છે. તેમણે કહ્યું કે, પડકારજનક સમયમાં દેશની આર્થિક સ્થિતિ મજબૂત છે. આપણો જીડીપી ગ્રોથ સૌથી શ્રેષ્ઠ છે. આરબીઆઈ ગવર્નરે કહ્યું છે કે, આખી દુનિયા સંકટના સમયમાંથી પસાર થઈ રહી છે. ફાઈનાન્સિયલ માર્કેટના તમામ સેગમેન્ટમાં ઉથલ-પાથલ છે. તેમણે જણાવ્યું કે, તહેવારો દરમિયાન માંગમાં વધારો થવાની અપેક્ષા છે. તેમણે કહ્યું કે, MPCના છમાંથી પાંચ સભ્યોએ રેપો રેટ વધારવાની તરફેણમાં નિર્ણય આપ્યો છે. તેમણે કહ્યું કે, સરકારી ખર્ચ વધવાથી લિક્વિડિટીમાં સુધારો થશે. FY23માં ગ્રામીણ વિસ્તારોમાં માંગમાં સુધારો જોવા મળી રહ્યો છે. રિયલ જીડીપી ગ્રોથનું અનુમાન FY23 માટે 7 ટકા છે.આરબીઆઈ ગવર્નરએ ત્રણ દિવસ (28 સપ્ટેમ્બરથી 30 સપ્ટેમ્બર) સુધી ચાલેલી MPC બેઠક પછી રેપો રેટ વધારવાની જાહેરાત કરી છે. RBIએ રેપો રેટમાં 0.50% વધારો કરવાની જાહેરાત કરી છે. હવે RBIનો રેપો રેટ 5.4% થી વધીને 5.9% થઈ ગયો છે. આપને જણાવી દઈએ કે, અગાઉ ઓગસ્ટમાં આરબીઆઈએ રેપો રેટમાં 50 બેસિસ પોઈન્ટનો વધારો કર્યો હતો. મે મહિનામાં મળેલી MPCની બેઠકમાં પણ રેપો રેટમાં 50 બેસિસ પોઈન્ટનો વધારો કરીને 4.90% કરવામાં આવ્યો હતો.