ફિલ્મમેકર હંસલ મહેતાએ સો. મીડિયા પર લખ્યું, ‘અમદાવાદમાં રહેતો કઝિન ગુમાવ્યો, ગુજરાતની હાલત બહુ ખરાબ છે’

Published By : B.K.NEWS DAINIK
Published Date : 2021-04-14 16:51:52
Views : 464
Modified Date : 2021-04-14 16:51:52

કોરોનાવાઈરસને લીધે હંસલ મહેતાનાં કઝિનનું નિધન થયું છે. ફિલ્મમેકર આ વાતની જાણકારી સો. મીડિયા પર આપતા કહ્યું કે, કોવિડ 19ને લીધે અમદાવાદમાં મારા એક નજીકના કઝિનને ગુમાવ્યો. તેની પત્નીની સ્થિતિ પણ ગંભીર છે. ગુજરાતની હાલત બહુ ખરાબ છે, જેટલું કહેવામાં આવી રહ્યું છે તેના કરતાં ઘણું વધારે. હંસલની પોસ્ટ જોયા પછી તેમના મિત્રો અને ફેમિલી મેમ્બર્સ કઝિનને શ્રદ્ધાંજલિ આપી રહ્યા છે. ઘણા લોકોએ ગુજરાતની સ્થિતિ ભયાનક કહેવા પર તેમને ટ્રોલ પણ કર્યા.

એક્ટર રાહુલ દેવે લખ્યું, ‘પ્રિય હંસલ, વિનમ્ર શ્રદ્ધાંજલિ. ઓમ શાંતિ’ સ્ક્રિપ્ટ રાઈટર હરનીત સિંહે લખ્યું, ‘જાણીને દુઃખ થયું’ અનુરુદ્ધ ગુહાએ લખ્યું, ‘શ્રદ્ધાંજલિ હંસલ. આશા છે કે તેમની પત્ની જલ્દી રિકવર થઇ જાય’ એક્ટ્રેસ સયાની ગુપ્તા લખ્યું, ‘આ જ સ્થિતિ ઘણા રાજ્યોની છે. પશ્ચિમ બંગાળની સ્થિતિ ખરાબ છે, પરંતુ ત્યાંથી ન્યૂઝ નહિ આવે. કારણકે લાખો લોકો સાથે ચૂંટણીની રેલી વધારે જરૂરી છે.’

હંસલ મહેતાની પોસ્ટ પર એક યુઝરે કમેન્ટ કરતા લખ્યું, ‘માત્ર ગુજરાત નહિ પણ બધે સ્થિતિ ખરાબ છે’. અન્ય યુઝરે લખ્યું, સુરતની હાલ ઘણી ખરાબ છે. બીજા યુઝરે કમેન્ટ કરી કે, ‘મોદી સાહેબ અને અમિત શાહ કેમ હવે દેખાતા નથી?’ અંશુલ દુબે નામનાં યુઝરે લખ્યું, ‘એકવાર છત્તીસગઢનો ગ્રાઉન્ડ રિપોર્ટ જાણશો તો તમારા ચહેરા પરથી હવા ઊડી જશે.’

હંસલ મહેતા નેશનલ અવોર્ડ વિજેતા ફિલ્મમેકર છે. 2013માં ફિલ્મ શાહિદ માટે તેમને બેસ્ટ ડિરેક્ટરનો નેશનલ અવોર્ડ મળ્યો હતો. આ ઉપરાંત તેમણે ‘દસ કહાનિયા’, ‘રાખ’, ‘સિટીલાઈટ’, ‘અલીગઢ’, ‘સિમરન’, ‘ઓમર્ટા’, ‘સ્કેમ 1992’ (વેબ સિરીઝ) અને‘છલાંગ’ ફિલ્મનું નિર્દેશન પણ કર્યું છે.