‘નિયો’ ડ્યુઅલ સેલ્ફી કેમેરા અને સ્નેપડ્રેગન 865 પ્રોસેસરથી સજ્જ હશે, 12GB રેમ અને 256GB સ્ટોરેજ મળશે

Published By : B.K.NEWS DAINIK
Published Date : 2020-12-04 16:00:44
Views : 391
Modified Date : 2020-12-04 16:04:46

લેનોવાના માલિકીની કંપની મોટોરોલા આવતા વર્ષે સ્નેપડ્રેગન 800 સિરીઝવાળો પ્રથમ સ્માર્ટફોન લોન્ચ કરી શકે છે. રિપોર્ટ પ્રમાણે, આ સ્માર્ટફોનનું નામ ‘નિયો’ હોઈ શકે છે. ટિપ્સ્ટર ઈવાન બ્લાસે આ સ્માર્ટફોનની ઈમેજ શેર કરી છે. ઈમેજમાં ફોનની ડિસ્પ્લે જોવા મળે છે.આ સ્માર્ટફોનમાં મોટા બેઝલ સાથે ડ્યુઅલ ફ્રન્ટ કેમેરા મળશે. આ સ્માર્ટફોન સ્નેપડ્રેગન 865 પ્રોસેસરથી સજ્જ હોઈ શકે છે. મોટોરોલા મોટો G સ્માર્ટફોનને નિયો કોડનેમ આપવામાં આવ્યું છે. ફોનમાં ડ્યુઅલ પંચ હોલ ડિસ્પ્લે મળશે. આ સ્માર્ટફોનના અગાઉ પણ ફીચર્સ લીક થઈ ચૂક્યા છે. લીક્સ પ્રમાણે મોટોરોલા નિયોમાં 12GBની રેમ અને 256GBનું ઓનબોર્ડ સ્ટોરેજ મળી શકે છે. ફોન એન્ડ્રોઈડ 11 ઓપરેટિંગ સિસ્ટમ પર રન કરશે. ફોનમાં USB ટાઈપ-સી કનેક્ટિવિટી પોર્ટ સપોર્ટ મળશે. રુમર્સ પ્રમાણે, ફોનની ડિસ્પ્લેમાં 105Hzનો રિફ્રેશ રેટ મળશે.મોટોરોલાએ ક્વાલકોમ ટેક સમિટ 2020માં ખુલાસો કર્યો હતો કે 2021માં મોટો Gની 10th જનરેશનવાળા મોટો G સ્માર્ટફોનને સ્નેપડ્રેગન 800 પ્રોસેસર સાથે લોન્ચ કરવામાં આવશે. જોકે કંપનીએ તેની લોન્ચિંગ ડેટ વિશે કોઈ માહિતી આપી નહોતી. આ ફોનને 2021ના પ્રથમ ક્વાર્ટરમાં લોન્ચ કરવામાં આવી શકે છે. કંપની અન્ય 2 બજેટ સ્માર્ટફોન પણ લોન્ચ કરી શકે છે.