કેરળમાં ચોમાસાની એન્ટ્રી : કેરળમાં 3 દિવસ વહેલા પહોંચ્યું ચોમાસું, હવામાન વિભાગે દક્ષિણનાં રાજ્યો માટે એલર્ટ જાહેર કર્યું

Published By : B.K.NEWS DAINIK
Published Date : 2022-05-30 12:12:09
Views : 304
Modified Date : 2022-05-30 12:12:09

હવામાન વિભાગે ચોમાસાને લઈને સારા સમાચાર આપ્યા છે. હવામાન વિભાગના જણાવ્યા અનુસાર, કેરળમાં રવિવાર (29 મે)ના રોજ ચોમાસાનું આગમન થઈ ગયું છે. સામાન્ય રીતે કેરળમાં 1લી જૂન સુધીમાં ચોમાસું દસ્તક આપે છે, પરંતુ આ વર્ષે અહીં ચોમાસું 29મી મેના રોજ 3 દિવસ વહેલું જ પહોંચી ગયું છે. આ સાથે જ ઘણાં રાજ્યો માટે એલર્ટ જારી કરવામાં આવ્યું છે.

હવામાન વિભાગના જણાવ્યા અનુસાર, આગામી 24 કલાક દરમિયાન પૂર્વોત્તર ભારત- તામિલનાડુ, કેરળ, લક્ષદ્વીપ, આંદામાન અને નિકોબાર ટાપુના દક્ષિણ અને કર્ણાટકના દરિયા કાંઠાના ભાગોમાં હળવાથી મધ્યમ વરસાદની શક્યતા છે.

આ રાજ્યોમાં હળવા વરસાદની શક્યતા છે
હવામાન વિભાગના જણાવ્યા અનુસાર, બિહાર, ઝારખંડ, ઓડિશા, છત્તીસગઢ, ઉત્તરપ્રદેશ, પૂર્વ મધ્યપ્રદેશ, તેલંગાણા અને આંધ્રપ્રદેશના કેટલાક વિસ્તારોમાં હળવા વરસાદની શક્યતા છે, જ્યારે, પૂર્વ રાજસ્થાન, દિલ્હી અને હરિયાણાના કેટલાક ભાગોમાં ધૂળની ડમરીઓ અને ગાજવીજ સાથે વરસાદની સંભાવના છે.

બિહારના અનેક જિલ્લાઓમાં હવામાન બદલાયું છે
બિહારમાં પણ હવામાન વિભાગે આગાહી કરી છે કે ચોમાસું સમય કરતાં વહેલું આવી જશે. ગયા વર્ષે પણ ચોમાસું સંભવિત તારીખથી એક દિવસ પહેલાં આવ્યું હતું. આ વખતે આગાહી 2 દિવસ વહેલા આવવાની હતી. બિહારમાં 13થી 15 જૂન વચ્ચે ચોમાસાની તારીખ નક્કી થયેલી છે.

જૂનના પહેલા સપ્તાહમાં ભોપાલ-ઈન્દોરમાં વરસાદ
મધ્યપ્રદેશમાં પ્રી-મોન્સૂન સક્રિય છે. જબલપુર, ગ્વાલિયર-ચંબલ, રીવા, સાગર, શહડોલ ડિવિઝનમાં દરરોજ હળવો વરસાદ થઈ રહ્યો છે, પરંતુ માલવા-નિમાડમાં હળવા ઝરમર ઝરમર સિવાય ખાસ અસર જોવા મળી ન હતી. જોકે અહીં પણ જૂનના પ્રથમ સપ્તાહમાં પ્રી-મોન્સૂન સક્રિય રહેશે અને વરસાદ પડશે.

અહીં 15 જૂન પછી ચોમાસું ઈન્દોર-જબલપુર થઈને મધ્યપ્રદેશ પહોંચે એવી શક્યતા છે. સમગ્ર રાજ્યમાં 20 જૂન સુધી વરસાદ થવાની શક્યતા છે. હાલમાં જબલપુર, ગ્વાલિયર-ચંબલ, સાગર, રીવા અને શહડોલ ડિવિઝનમાં પ્રી-મોન્સૂન વરસાદ પડી રહ્યો છે, પરંતુ ભોપાલ-ઈન્દોર સહિત માલવા-નિમાડમાં વરસાદ નથી.

નૈઋત્ય (દક્ષિણ-પશ્ચિમ)નું ચોમાસું શું હોય છે?
એક ક્ષેત્રમાંથી આવતી હવાઓની દિશામાં થતાં ઋતુ પરિવર્તનને ચોમાસુ કહીએ છીએ. ભારતના સંદર્ભમાં જોઇએ તો હિન્દ મહાસાગર અને અરબી સમુદ્રથી આ હવા ભારતના દક્ષિણ-પશ્ચિમ તટે આવે છે. સાથે આ હવા ઠંડાથી ગરમ વાતાવરણ તરફ આવતા પોતાની સાથે વાદળ લાવે છે. જેનાથી વરસાદ પડવાની સંભાવના રહે છે. આ માટે દેશમાં દક્ષિણ-પશ્ચિમ બાજુથી હવાઓને લીધે વરસાદ થતો હોવાથી તેને નૈઋત્ય એટલે દક્ષિણ-પશ્ચિમ ચોમાસુ કહેવાય છે. તે ભારતની સાથે પાડોશી દેશો પાકિસ્તાન, અફઘાનિસ્તાન, બાંગ્લાદેશ, મ્યાંમાર સહિત સમગ્ર ભારતીય ઉપખંડમાં વરસાદ લાવે છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links