IPL વચ્ચે MI ના કીરોન પોલાર્ડે કરી સંન્યાસની જાહેરાત : કિરોન પોલાર્ડે આંતરરાષ્ટ્રીય ક્રિકેટમાંથી નિવૃત્તિ લીધી

Published By : B.K.NEWS DAINIK
Published Date : 2022-04-21 14:22:44
Views : 266
Modified Date : 2022-04-21 14:22:44

દુનિયાના દિગ્ગજ ઓલરાઉન્ડર્સમાં સામેલ કીરોન પોલાર્ડે ઇન્ટરનેશનલ ક્રિકેટમાંથી સંન્યાસ લઇ લીધો છે. પોલાર્ડ ખૂબ જ કાતિલાના બોલર અને ધમાકેદાર બેટીંગ માટે જાણિતા છે.

પોલાર્ડે લીધો સંન્યાસ

34 વર્ષના ધાકડ બેટ્સમેન કીરોન પોલાર્ડ હાલ મુંબઇ ઇન્ડીયન્સ માટે આઇપીએલમાં રમી રહ્યા છે. પોલાર્ડ વેસ્ટઇન્ડીઝની લિમિટેડ ઓવર ક્રિકેટમાં નેતૃત્વ કરતા હતા. પોલાર્ડ તે વેસ્ટઇન્ડીઝ ટીમનો ભાગ હતા, જેણે 2 વાર ટી20 વર્લ્ડકપનો ખિતાબ જીત્યો હતો. પોલાર્ડ ઓછા બોલમાં મેચ બદલવા માટે જાણિતા છે. પોલાર્ડ પાસે તે કાબિલિયત છે તે કોઇપણ પીચ પર રન બનાવી શકે છે.

ટી20 ક્રિકેટના ધાકડ પ્લેયર્સમાં સામેલ

ટી 20 ક્રિકેટના લીજેંડ ગણાતા 34 વર્ષના કીરોન પોલાર્ડે વેસ્ટઇંડીઝ માટે 123 વનડે મેચ રમ્યા છે, જ્યારે 101 ટી 20 ઇન્ટરનેશનલ મેચ પણ રમી છે. કીરોન પોલાર્ડના નામે 2706 વનડે રન અને 55 વિકેટ છે. જ્યારે ટી20 ઇન્ટરનેશનલમાં કીરોન પોલાર્ડે 1569 રન અને 42 વિકેટ પોતાના નામે કરી છે. તેમણે પોતાના દમ પર વેસ્ટઇન્ડીઝ ટીમને મેચ જીતાડી છે.

સાઉથ આફ્રીકા વિરૂદ્ધ કર્યું હતું ડેબ્યૂ

કીરોન પોલાર્ડે 2007 માં દક્ષિણ આફ્રીકાના વિરૂદ્ધ વનડે અને 2008 માં ઓસ્ટ્રેલિયા વિરૂદ્ધ ટી20 માં ડેબ્યૂ કર્યું હતું. મહત્વપૂર્ણ વાત એ છે કે ફેબ્રુઆરીમાં ભારત અને વેસ્ટઇંડીઝ વચ્ચે રમાયેલી વનડે ટી20 સીરીઝ તેમના કેરિયરની અંતિમ સીરીઝ સાબિત થઇ.