નોખી વાનગી અનોખા અંદાજ

Published By : B.K.NEWS DAINIK
Published Date : 2019-06-24 16:37:59
Views : 639
Modified Date : 2019-06-24 16:37:59

મેન્ગો સાલ્સા

સામગ્રી: પોણો કપ સમારેલાં ટમેટાં (બી કાઢીને), અડધો કપ પાકી કેરીના ટુકડા, મીઠું સ્વાદ પ્રમાણે, બે ચમચા સમારેલા સફેદ કાંદા, એક ચમચી બારીક સમારેલી સેલરી, એક ચમચો સમારેલુ કેપ્સિકમ, અડધી ચમચી ઑરેગાનો, સર્વ કરવા માટે તૈયાર ટોર્ટિલા ચિપ્સ.રીત: એક મોટા બૉલમાં ટમેટાં અને કેરીના ટુકડા લઈ એને હલકા હાથે મિક્સ કરો. ત્યાર બાદ ચમચી વડે એને મેશ કરો. ત્યાર બાદ એમાં સફેદ કાંદા, સેલરી, કૅપ્સિકમ અને ઓરેગાનો મિક્સ કરીને હલાવો. ત્યાર બાદ એમાં મીઠું બરાબર મિક્સ કરો. તૈયાર કરેલા સાલ્સાને બે કલાક માટે ફ્રિજમાં ઠંડું કરવા મૂકો. ઠંડું થઈ જાય એટલે બહાર કાઢી ટોર્ટિલા ચિપ્સ સાથે સર્વ કરો.પઝમ પુલિસ્સેરીસામગ્રી: એક પાકુ કેળું, એક કપ ખમણેલું નાળિયેર, ૩ લીલા મરચા, અડધી ચમચી હળદરનો પાવડર, પા ચમચી જીરાનો પાવડર, પા ચમચી મેથીનો પાવડર, ૫૦૦ એમએલ છાશ, એક ચમચી ખાંડ, મીઠું, તેલ, લીમડાના પાન, બે ડુંગળી, એક ચમચી રાઈ.બનાવવાની રીત: પાકા કેળાને મધ્યમ કદના ટુકડા કાપો. એને વાસણમાં મૂકો. પાણી ઉમેરો અને એને બરાબર રાંધો. હવે કઢાઈમાં થોડુક તેલ ગરમ કરો. થોડીક રાઈ નાંખો. એ તતડે એટલે લીમડાના પાન અને નાની ડુંગળી ઉમેરો. થોડુંક હલાવો અને મેથીનો પાવડર ઉમેરો. ફરીથી હલાવો. લીલા મરચાં, હળદરનો પાવડર અને જીરાના પાવડર સાથે નાળિયેરની ચટણી ઉમેરો. એને બરાબર મિક્સ કરો. હવે તમે આ મિશ્રણને રાંધેલ કેળામાં ઉમેરી શકો છો. થોડુંક પાણી રેડો. બરાબર હલાવો. ખાંડ અને મીઠું ઉમેરો. સામગ્રીને બરાબર મિક્સ કરો. એ ઉકળવાનું શરૂ કરે એટલે છાશ ઉમેરો અને બરાબર હલાવો. હવે સમય છે સ્વાદિષ્ટ પઝમ પુલિસ્સેરીનો સ્વાદ માણવાનો. * ૫૦ ગ્રામ ફુદીનાના પાનને સૂકવીને એના નાના ટુકડા કરીને ચોખામાં નાંખો. એનાથી ચોખામાં જીવાત નહિ પડે અને સાથોસાથ ચોખા પકવતી વખતે સ્વાદ આવશે.* ખરાબ ટામેટાં સાથે સારા ટામેટાં ન રાખવા જોઈએ. એનાથી સારા ટામેટાં ઝડપથી સડી જાય છે. * રીંગણના કાપેલા ટુકડા કાળા ન પડી જાય એ માટે એને મીઠાવાળા પાણીમાં થોડો સમય રાખો. એ પછી એને ફ્રીઝમાં મૂકો.* ધાણા સારી રીતે સમારાય એ માટે ચપ્પુના બદલે કાતરનો ઉપયોગ કરો.* કેકને બેક કર્યા પછી પોલિથિન બેગથી ઢાંકી દો. બીજા દિવસે પોલિથિન બેગ હટાવી લો. આનાથી કેક નરમ બનશે.શાકભાજી બનાવતી વખતે પાણી શોષાઈ ન જાય ત્યાં સુધી એમાં ક્રીમ કે મસાલા ન નાંખવા જોઈએ.