મુખ્યમંત્રીઓ સાથે ૧૧મીએ ફરીવાર બેઠક કરવા મોદીનો નિર્ણય દેશમાં લોકડાઉન વધશે મોદીએ સર્વપક્ષીય બેઠકમાં આપેલો સંકેત

Published By : B.K.NEWS DAINIK
Published Date : 2020-04-09 11:45:42
Views : 723
Modified Date : 2020-04-09 11:45:42

દેશમાં કોરોના સંકટ પર ચર્ચા માટે વડાપ્રધાન નરેન્દ્ર મોદીએ વિડિયો કોન્ફરન્સિંગ મારફતે સર્વપક્ષીય બેઠક બોલાવી હતી. બેઠકમાં વડાપ્રધાન મોદીએ વિપક્ષી દળોને દેશમાં લોકડાઉનને વધારવા માટેના સાફ સંકેત આપ્યા હતા. મોદીએ બે વાત ખુબ જ સ્પષ્ટપણે કહી હતી. પહેલી બાબત એ હતી કે, એક સાથે એક જ ઝટકામાં
લોકડાઉનને ખતમ કરી શકાય નહીં. બીજી બાબત એ છે કે, કોરોનાથી પહેલા અને કોરોના બાદની લાઇફ એક જેવી રહેનાર નથી. મોદીએ આ ગાળા દરમિયાન કહ્યું હતું કે, તેઓ ૧૧મી એપ્રિલના દિવસે ફરી એકવાર તમામ રાજ્યોના મુખ્યમંત્રીઓ સાથે વાતચીત કરશે. ૧૪મી એપ્રિલના દિવસે લોકડાઉનની અવધિ ખતમ
થનાર છે. કોરોના વાયરસના કેસોની સંખ્યા ૫૦૦૦થી ઉપર પહોંચી ચુકી છે. મોતનો આંકડો ૧૫૦થી ઉપર પહોંચી ચુક્યો છે. વડાપ્રધાનની બેઠકમાં કોંગ્રેસ સહિત તમામ પક્ષોએ ભાગ લીધો હતો. મોદીએ આ બેઠકમાં સરકાર દ્વારા કોરોના સંકટને હાથ ધરવા માટે લેવામાં આવી રહેલા પગલાઓની માહિતી આપી હતી. સાથે સાથે નેતાઓના અભિપ્રાય પણ માંગ્યા હતા.
અલબત્ત કેટલાક નેતાઓએ આંશિકરીતે લોકડાઉન હટાવવાની માંગ પણ કરી હતી. યુપીના મુખ્યમંત્રી યોગી આદિત્યનાથ, તેલંગાણાના મુખ્યમંત્રી ચંદ્રશેખર રાવ, મધ્યપ્રદેશના મુખ્યમંત્રી શિવરાજસિંહ ચૌહાણે
લોકડાઉનની અવધિને
વધારવાની અપીલ કરી છે. એમ માનવામાં આવે છે કે, મોદી દેશના જુદા જુદા રાજ્યોના મુખ્યમંત્રીઓ સાથે એક અન્ય બેઠક યોજ્યા બાદ જ
લોકડાઉનના સંદર્ભમાં કોઇ નિર્ણય કરશે. સર્વપક્ષીય બેઠકમાં સામેલ રહેલા એલજેપીના નેતા ચિરાગ પાસવાને કહ્યું હતુંકે, બેઠકમાં દરેકે લોકડાઉનને લઇને સૂચન કર્યા હતા. તેમણે કહ્યું હતુંકે, કેટલાકે આંશિકરીતે લોકડાઉનને દૂર કરવાની માંગ કરી હતી જ્યારે કેટલાકે આને યથાવતરીતે જારી રાખવાની અપીલ કરી હતી. તેમણે ઉમેર્યું હતું કે, તેમની પાસે હજુ સુધી આટલી જ માહિતી આપી છે. લોકડાઉનને હટાવવાની બાબત મુશ્કેલરુપ દેખાઈ રહી છે. અમે પણ પાર્ટી તરફથી લોકડાઉન દરમિયાન અને ત્યારબાદ સાવચેતીના પગલાની અપીલ કરી ચુક્યા છે. લાંબા સમય સુધી સરહદોને સીલ રાખવાની વાત પણ કરવામાં આવી છે.
આંતરરાજ્ય અને જિલ્લાઓની સરહદોને બંધ રાખવાની જરૂરિયાત પર ભાર મુકવામાં આવ્યો છે. મોદીએ અમને કહ્યું હતું કે, કોરોના બાદની લાઇફ પહેલા જેવી રહેનાર નથી. તેમ જણાવીને બીજેડી નેતા પિનાકિન મિશ્રાએ કહ્યું હતું કે, ૧૪મી એપ્રિલના દિવસે એક સાથે લોકડાઉન સમાપ્ત કરવામાં આવશે નહીં.
લોકડાઉન દૂર કરવાને લઇને રાજ્યોના મુખ્યમંત્રી સાથે વાતચીત બાદ નિર્ણય લેવામાં આવશે. પહેલા કહેવામાં આવી રહ્યું હતું કે, મોદીની આ બેઠકમાં ટીએમસી ભાગ લેશે નહીં પરંતુ પાર્ટીના નેતા સુદીપ બંદોપાધ્યાય પણ ભાગ લેવા પહોંચ્યા હતા. કોંગ્રેસ પ્રમુખ સોનિયા ગાંધી, ટીએમસીના નેતા મમતા બેનર્જી, ડીએમકેના પ્રમુખ સ્ટાલિન સહિત અનેક નેતાઓએ વિડિયો કોન્ફરન્સિંગ મારફતે વાત કરી હતી. વડાપ્રધાનની બેઠકમાં શિવસેનાના સંજય રાવત, એનસીપીના શરદ પવાર, સપાના રામગોપાલ યાદવ, શિરોમણી અકાળી દળથી સુખબીરસિંહ બાદલ, બસપથી સતિષચંદ્ર મિશ્રા, વાયએસઆર કોંગ્રેસમાંથી વિજય સાંઇ રેડ્ડી, જેડીયુમાંથી રાજીવ રંજન સિંહ ઉપÂસ્થત રહ્યા હતા. વડાપ્રધાને એક પછી એક વાતચીતનો દોર જારી રાખ્યો છે. તમામ રાજ્યોના મુખ્યમંત્રીઓ સાથે પહેલા પણ વાતચીત થઇ ચુકી છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links