કંગના રનૌતે અર્જુન રામપાલ અને તેની ગર્લફ્રેન્ડ સાથે નવું વર્ષ ઉજવ્યું, 'ધાકડ' ફિલ્મની ટીમ સાથેના ફોટોઝ શેર કર્યા.

Published By : B.K.NEWS DAINIK
Published Date : 2021-01-02 12:08:32
Views : 381
Modified Date : 2021-01-02 12:08:32

કંગના રનૌત તેના હોમટાઉન મનાલીથી મુંબઈ પરત ફરી છે. નવા વર્ષની ઉજવણી તેણે 'ધાકડ' ફિલ્મની ટીમ સાથે તેના ઘરે કરી હતી. વર્ષના પહેલ દિવસે કંગનાએ બ્રન્ચ પાર્ટી ઓર્ગેનાઈઝ કરી હતી જેમાં કંગનાની બહેન, ફિલ્મના ડિરેક્ટર રજનીશ ઘાઈ, અર્જુન રામપાલ અને તેની ગર્લફ્રેન્ડ ગેબ્રિઅલ સહિત ફિલ્મની ટીમના લોકો હાજર હતા. કંગનાએ આ ઉજવણીના ફોટોઝ અને વીડિયો સોશિયલ મીડિયા પર શેર કર્યા છે.

કંગનાએ લખ્યું, 'મારી ધાકડ ટીમ માટે એક નાની બ્રન્ચ પાર્ટી હોસ્ટ કરી રહી છું. રજાના દિવસોમાં પણ આખી ટીમ થાક્યા વગર કામ કરતી હતી. ઘરે પરત આવીને સારું લાગે છે. 2021 તારી સામે નજર છે, સારું રહેજે.અન્ય પોસ્ટ શેર કરીને કંગનાએ લખ્યું કે, 'અમારી ધાકડ ટીમ અને અમારા ચીફને ચીઅર્સ.. અમારા ડિરેક્ટર રાઝી ઘાઈ ભારતના ટોપ એડવર્ટ ફિલ્મમેકર છે, આ તેમની પહેલી ફિલ્મ છે પણ તેમની સાથે કામ કરવાનું સૌભાગ્ય મળ્યું, તે મહાન છે.''ધાકડ' ફિલ્મ સ્પાય થ્રિલર ફિલ્મ છે જેમાં કંગના એક ફીમેલ સ્પાયના રોલમાં દેખાશે. થોડા દિવસ પહેલાં ફિલ્મ માટે તેના ચહેરાનું પ્રોસ્થેટિક મેઝરમેન્ટ પણ લેવાયું હતું જેના ફોટોઝ તેણે સોશિયલ મીડિયા પર શેર કર્યા હતા. ફિલ્મનું ફર્સ્ટ લુક ઘણા સમય પહેલાં રિલીઝ થઇ ગયું હતું. ડિરેક્ટ રજનીશ ઘાઈની આ ફિલ્મ અગાઉ 2020માં દિવાળીના રોજ રિલીઝ થવાની હતી પરંતુ કોરોના મહામારીને કારણે બધું ડીલે થયું. હવે આ ફિલ્મનું શૂટિંગ જાન્યુઆરીમાં શરૂ થશે.'