જેપી નડ્ડાના કાફલા પર તૃણમૂલ સમર્થકોએ પથ્થર ફેંક્યા, કૈલાસ વિજયવર્ગીય ઘાયલ થયા

Published By : B.K.NEWS DAINIK
Published Date : 2020-12-10 15:33:09
Views : 321
Modified Date : 2020-12-10 15:33:09

પશ્વિમ બંગાળની મુલાકાત માટે ગયેલા ભાજપના રાષ્ટ્રીય અધ્યક્ષ જેપી નડ્ડાના કાફલા પર ગુરુવારે તૃણમૂલના સમર્થકોએ પથ્થરમારો કર્યો હતો. તે કોલકાતાથી 24 પરગના જિલ્લાના ડાયમંડ હાર્બર શહેર જઈ રહ્યાં હતા. પ્રદર્શનકારીઓએ રસ્તો રોકવાનો પ્રયાસ પણ કર્યો હતો. ન્યૂઝ એજન્સીના સૂત્રોના જણાવ્યા પ્રમાણે, નડ્ડાની સુરક્ષા મુદ્દે કેન્દ્રીય ગૃહ મંત્રાલય મમતા સરકાર પાસે રિપોર્ટ માંગશે.ભાજપના મહાસચિવ કૈલાસ વિજયવર્ગીયની ગાડી પર પણ પથ્થર ફેંકવામાં આવ્યા હતા. એક મોટો પથ્થર તેમની ગાડીના કાંચને તોડીને અંદર વાગ્યો હતો. વિજયવર્ગીયે કહ્યું કે, આ હુમલામાં તે ઘાયલ થયા છે, પોલીસની હાજરીમાં ગુંડાઓએ તેમની પર હુમલો કર્યો. નડ્ડાએ પણ કહ્યું કે, કૈલાશ વિજયવર્ગીય અને મુકુલ રોય ઘાયલ થયા છે.

નડ્ડાએ ડાયમંડ હાર્બર પહોંચ્યા પછી પાર્ટી કાર્યકર્તાઓ સાથેની મીટિંગમાં કહ્યું કે, પશ્વિમ બંગાળમાં કાયદો વ્યવસ્થા નથી રહીં અને હવે આ ઈનટોલરેન્સ વાળું રાજ્ય બની ગયું છે. માતા દુર્ગાની કૃપાથી હું અહીંયા સુધી પહોંચી શક્યો છું. મમતા બેનર્જી સરકારના હવે ગણતરીના દિવસો જ બચ્યાં છે. અમે આ ગુંડારાજને હરાવીશું.બંગાળ ભાજપના અધ્યક્ષે અમિત શાહને પત્ર લખ્યો પશ્વિમ બંગાળમાં ભાજપના અધ્યક્ષ દિલીપ ઘોષે રાજ્ય સરકારની સુરક્ષા વ્યવસ્થા પર સવાલ ઉઠાવતા કેન્દ્રીય મંત્રી અમિત શાહને પત્ર લખ્યો છે. ઘોષે જણાવ્યું કે, બુધવારે નડ્ડાના કાર્યક્રમમાં પોલીસ હાજર ન હતી. રાજ્ય સરકાર તરફથી નડ્ડાની સુરક્ષામાં ચૂક થઈ છે.