જમ્મુ-કાશ્મીર પોલીસે માત્ર 24 કલાકમાં લૂંટનો કેસ ઉકેલ્યો

Published By : B.K.NEWS DAINIK
Published Date : 2022-12-19 20:15:19
Views : 194
Modified Date : 2022-12-19 20:15:19

શ્રીનગરઃ

જમ્મુ-કાશ્મીર પોલીસે સોમવારે માત્ર 24 કલાકમાં લૂંટનો કેસ ઉકેલી નાખ્યો હોવાનો દાવો કર્યો છે.

બડગામ જિલ્લામાં આ ગુનામાં સંડોવાયેલા ત્રણ આરોપીઓની ધરપકડ કરવામાં આવી છે અને તેમની પાસેથી ચોરીની રોકડ રકમ મળી આવી છે, એમ પોલીસે જણાવ્યું હતું.

પોલીસે જણાવ્યું હતું કે, 18 મી ડિસેમ્બરે, ચદૂરા પોલીસ સ્ટેશનને નૌપોરા ચદૂરાના રહેવાસી શાકિર બશીર તરફથી લેખિત ફરિયાદ મળી હતી કે તે તેના ભાઈ વાહિદ અહમદ શેરગોજરી સાથે તેના ઓટો લોડ કેરિયરમાં શ્રીનગરથી પરત ફરી રહ્યો છે. બદીપોરા ચદૂરા પહોંચ્યા બાદ, લોડ કેરિયર પર સવાર ત્રણ અજાણ્યા શખ્સોએ તેમના ઓટો લોડ કેરિયરને અટકાવ્યું હતું અને તેમના (બશીર) પર હુમલો કર્યો હતો, જેમાં તેઓ ઘાયલ થયા હતા, એમ બશીરે જણાવ્યું હતું.

હુમલાખોરોએ લોડ કેરિયરના ચાલક પાસેથી 20 હજાર રૂપિયા રોકડા ઝૂંટવી લીધા હતા અને ઘટના સ્થળેથી ફરાર થઇ ગયા હતા.

ચદૂરા પોલીસ સ્ટેશનમાં કાયદાની સંબંધિત કલમો હેઠળ કેસ નોંધવામાં આવ્યો હતો, એમ પોલીસે જણાવ્યું હતું. તપાસ દરમિયાન પોલીસે વિવિધ લીડ્સ પર કાર્યવાહી કરતા શંકાસ્પદ વાહનની વિગતો મેળવી આ ગુનામાં સંડોવાયેલા ત્રણેય શખ્સોની ધરપકડ કરી તેમના કબ્જામાંથી લૂંટનો માલ મળી આવ્યો હતો.

આ ગુનામાં વપરાયેલું વાહન પણ જપ્ત કરી લેવામાં આવ્યું છે, એમ પોલીસે જણાવ્યું હતું. ધરપકડ કરાયેલા લોકોની ઓળખ નાસિર હુસૈન, મોહમ્મદ સલીમ અને ઇરફાન અલી તરીકે થઈ છે, જે તમામ ચરાર-એ-શરીફના રહેવાસી છે. આ કેસની વધુ તપાસ ચાલી રહી છે.