UNમાં ભારતે જાહેરમાં પાકિસ્તાનને ખખડાવ્યુ, કહ્યુ- જમ્મુ-કાશ્મીરનો આખો વિસ્તાર ભારતનો અભિન્ન હિસ્સો છે અને રહેશે

Published By : PIYUSH PARMAR
Published Date : 2022-10-13 12:03:18
Views : 265
Modified Date : 2022-10-13 12:03:18

આંતરરાષ્ટ્રીય મંચ પર કાશ્મીર મુદ્દા પર પોતાનો દુષ્પ્રચાર કરી રહેલા પાકિસ્તાનને ફરી એકવાર વૈશ્વિક મંચ પર, ભારત તરફથી જડબાતોડ જવાબ મળ્યો છે. જમ્મુ અને કાશ્મીર પર પાકિસ્તાનની ટિપ્પણીને પાયાવિહોણી ગણાવતા, ભારતે, પાકિસ્તાન પર યુએન ફોરમના જાહેર દુરુપયોગ કરવાનો આરોપ લગાવ્યો.આંતરરાષ્ટ્રીય મંચ પર કાશ્મીર મુદ્દા પર પોતાનો દુષ્પ્રચાર કરી રહેલા પાકિસ્તાનને ફરી એકવાર વૈશ્વિક મંચ પર, ભારત તરફથી જડબાતોડ જવાબ મળ્યો છે. જમ્મુ અને કાશ્મીર પર પાકિસ્તાનની ટિપ્પણીને પાયાવિહોણી ગણાવતા, ભારતે, પાકિસ્તાન પર યુએન ફોરમના જાહેર દુરુપયોગ કરવાનો આરોપ લગાવ્યો.સંયુક્ત રાષ્ટ્ર (UN) માં ભારતે પાકિસ્તાનને જડબાતોડ જવાબ આપ્યો છે. યુએનમાં ભારતના સ્થાયી પ્રતિનિધિ રુચિરા કંબોજે (Ruchira Kamboj) UNના પ્લેટફોર્મનો ઉપયોગ કરીને પાકિસ્તાનને ભારત પર ખોટા આક્ષેપો કરવાથી દૂર રહેવાનું કહ્યું હતું. સાથે જ કહ્યું કે જમ્મુ-કાશ્મીર (Jammu Kashmir) ભારતનો અભિન્ન હિસ્સો છે જ અને રહેશે પણ ખરો. રશિયા-યુક્રેન યુદ્ધ પર ચિંતા વ્યક્ત કરતા ભારતે કહ્યું કે ભારત યુક્રેનમાં સંઘર્ષ વધવાથી ચિંતિત છે, જેમાં નાગરિક ઈન્ફ્રાસ્ટ્રક્ચર અને નાગરિકોની જાનહાનિનો સમાવેશ થાય છે.યુએનમાં ભારતના સ્થાયી પ્રતિનિધિ રૂચિરા કંબોજે કહ્યું, ‘અમે જોયું છે કે એક પક્ષ, સંયુક્ત રાષ્ટ્રના આ પ્લેટફોર્મનો દુરઉપયોગ ભારત વિરુદ્ધ પાયાવિહોણી અને ક્ષુલ્લક વાતો કરવા માટે કરે છે. ખોટા વિચારો પર આધારિત આવા નિવેદનોની સામૂહિક નિંદા કરવાની જરૂર છે. ફરી એકવાર એ ઉલ્લેખ કરવો જરૂરી છે કે જમ્મુ અને કાશ્મીર ભારતનો અભિન્ન અંગ હતુ, છે અને રહેશે, પછી ભલે પાકિસ્તાન માને કે ન માને. અમે પાકિસ્તાનને આતંકવાદ બંધ કરવા કહીએ છીએ, જેથી અમારા નાગરિકો તેમના જીવનના અધિકારનો યોગ્ય રીતે ઉપયોગ કરી શકે.

મુનીર અકરમે કાશ્મીરનો મુદ્દો ઉઠાવ્યા બાદ કંબોજનો જવાબ આવ્યો. મુનીરે કહ્યું હતું કે, “આંતરરાષ્ટ્રીય કાયદા હેઠળ, સ્વ-નિર્ણયનો અધિકાર તે લોકોને લાગુ પડે છે, જેઓ વિદેશી અથવા સંસ્થાનવાદી વર્ચસ્વ હેઠળ છે અને જેમણે હજુ સુધી સ્વ-નિર્ણયના અધિકારનો ઉપયોગ કર્યો નથી, જેમ કે જમ્મુ અને કાશ્મીરનો કેસ છે. સ્વ-નિર્ણયના અધિકારનો ઉપયોગ “લશ્કરી વ્યવસાયથી મુક્ત વાતાવરણ”માં સંયુક્ત રાષ્ટ્રની દેખરેખ હેઠળ થવો જોઈએ.’મુનીર અકરમના આવા નિવેદન બાદ ભારતે પાકિસ્તાનને ઠપકો આપતા કહ્યું કે, ‘અમે આશ્ચર્યજનક રીતે જોયું છે, છતાં એક પ્રતિનિધિમંડળ દ્વારા આ પ્લેટફોર્મનો દુરુપયોગ કરવાનો અને મારા દેશ વિરુદ્ધ નકામી અને અર્થહીન ટિપ્પણી કરવાનો પ્રયાસ કરવામાં આવ્યો છે.’