સર્જરીમાં મોડું ના થઈ જાય તેથી ટ્રાફિકમાં ફસાઈ ગયેલા ડોક્ટર કાર મૂકીને 45 મિનિટ દોડીને હોસ્પિટલ પહોંચ્યા

Published By :
Published Date : 2022-09-13 17:55:51
Views : 306
Modified Date : 2022-09-13 17:55:51

ડોક્ટર ગોવિંદ નંદકુમારે વિચાર કર્યો કે તેમના દર્દીની સર્જરીની તૈયારી થઈ ગઈ હશે અને સ્ટાફ તેમની રાહ જોતો હશે. આ સિવાય અન્ય દર્દીઓ પણ પોતાનો વારો આવે તેની રાહ જોઈને બેઠા હશે. ત્યારપછી તો સર્જન ગોવિંદ કારમાંથી ઉતર્યા અને હોસ્પિટલ તરફ દોટ મૂકી. હોસ્પિટલ લગભગ 3 કિલોમીટર દૂર હતી, પરંતુ તેમણે તે સમયે આ જ વિકલ્પ યોગ્ય સમજ્યો. અમારા સહયોગી ટાઈમ્સ ઓફ ઈન્ડિયા સાથેની વાતચીતમાં સર્જન જણાવે છે કે, મારે મણિપાલ હોસ્પિટલ પહોંચવાનુ હતું. ભારે વરસાદ અને પાણી ભરાઈ જવાને કારણે રસ્તા પર ટ્રાફિલ હતો અને તે હોસ્પિટલથી પણ આગળ દૂર સુધી જામ હતો. મને લાગ્યું કે ટ્રાફિક હળવો થવાની કોઈ જ શક્યતા જણાઈ નથી રહી, માટે હું ઉતરીને દોડવા લાગ્યો. હું લગભગ 45 મિનિટ સુધી દોડ્યો હતો. હું ટ્રાફિક ક્લિઅર થાય તેની રાહ જોઈને સમય વેડફવા નહોતો માંગતો. જ્યાં સુધી સર્જરી ના થાય ત્યાં સુધી દર્દી કંઈ ખાઈ નથી શકતા, માટે હું તેમને લાંબા સમય સુધી રાહ જોવડાવું તે યોગ્ય નથી. બેંગ્લોર- ભાગ્યે જ કોઈ એવી વ્યક્તિ હશે જે બેંગ્લોર શહેરની ટ્રાફિકની સમસ્યાથી અજાણ હશે. સોશિયલ મીડિયા પર તમે બેંગ્લોર ટ્રાફિકના મીમ્સ જોયા હશે, બેંગ્લોર ટ્રાફિક પર કોમેડિયન સ્ટેન્ડ અપ પણ કરતા હોય છે. પરંતુ આ એક ગંભીર મુદ્દો છે. ટ્રાફિકને કારણે ટ્રેન કે ફ્લાઈન મિસ થઈ જવી, શાળા કે ઓફિસ માટે મોડા પડવું અને એમ્બ્યુલન્સ ટ્રાફિકમાં ફસાઈ જવી, આ સમસ્યાઓ બેંગ્લોરના લોકોએ વેઠવી પડે છે. બેંગ્લોર ટ્રાફિકને લગતી આવી જ એક ઘટના સામે આવી છે, જેમાં એક ડોક્ટરે સાબિત કરી બતાવ્યું કે તેમને ઈશ્વરનું એક સ્વરુપ કેમ કહેવામાં આવે છે. શહેરની મણિપાલ હોસ્પિટલમાં ગેસ્ટ્રેએન્ટરોલોજી સર્જન ડોક્ટર ગોવિંદ નંદકુમાર 30મી ઓગસ્ટના રોજ ટ્રાફિકમાં ફસાઈ ગયા હતા. તેઓ પોતાની કાર લઈને હોસ્પિટલ જઈ રહ્યા હતા ત્યારે સરજાપુર-મરાઠાહલ્લી રોડ પર તેમની કાર ફસાઈ ગઈ. તેમણે એક દર્દીની પિત્તાશયની સર્જરી કરવાની હતી, જેના માટે તેઓ ઉતાવળમાં પણ હતા. સર્જરીનો સમય નિશ્ચિત હતો, માટે સમયસર હોસ્પિટલ પહોંચવા તેમણે જે કર્યું તે વખાણવાલાયક છે. ડોક્ટર ગોવિંદ નંદકુમાર પાછલા 18 વર્ષથી જટિલ સર્જરી કરી રહ્યા છે. તેમણે અત્યાર સુધી 1000થી વધારે સફળ ઓપરેશન્સ કર્યા છે. તે પાચનતંત્રની સર્જિકલ સમસ્યાઓની સારવાર કરવામાં નિષ્ણાંત છે. તે ગેસ્ટ્રોઈન્ટેસ્ટાઈન ટ્રેક્ટની મદદથી ટ્યૂમર તેમજ અસરગ્રસ્ત ભાગને દૂર કરવા માટે કરવામાં આવતી સર્જરીમાં પણ નિષ્ણાંત છે.