ઝારખંડના દુમકા ગામમાં એક યુવકને પેટ્રોલ છાંટીને જીવતો સળગાવ્યો

Published By :
Published Date : 2022-09-10 17:39:28
Views : 268
Modified Date : 2022-09-10 17:39:28

ઝારખંડની ઉપરાજધાની દુમકામાં એક સગીર છોકરીને જીવતી સળગાવી દીધા બાદ ગઢવામાં એક યુવકને જીવતો સળગાવી દેવાની ઘટના સામે આવી છે. બે લોકો વચ્ચેની લડાઈ રોકવા એક યુવક પહોંચ્યો. એટલામાં આરોપીએ પેટ્રોલ છાંટીને આગ ચાંપી દીધી હતી. આ બનાવ ગઢવા જિલ્લાના વંશીધર નગર પોલીસ ક્ષેત્રમાં ચિતવિશ્રામ ગામનો છે. અહીં એક મુસ્લિમ યુવકે દીપક સોની પર પેટ્રોલ છાંટીને તેને જીવતો સળગાવવાનો પ્રયાસ કર્યો હતો. આ ઘટનામાં પીડિત દીપક સોની ખરાબ રીતે દાઝી ગયો છે. યુવકનું માથું અને ચહેરો ખરાબ રીતે દાઝી ગયા છે. તેને સારવાર માટે હોસ્પિટલમાં દાખલ કરવામાં આવ્યો છે, પરંતુ હાલત નાજુક હોવાથી યુવકને નજીકની સદર હોસ્પિટલમાં દાખલ કરાયો છે. ઘટનાની જાણ થતાં પોલીસ સ્ટેશનના અધિકારી યોગેન્દ્ર કુમારે ઘટના સ્થળે પહોંચીને સમગ્ર મામલાની તપાસ કરી છે. ઘટના બાદ ગામમાં માહોલ તણાવભર્યો છે.

દીપક બે લોકોનો ઝઘડો ઉકેલવા પહોંચ્યો હતો

પીડિત દીપક સોનીએ કહ્યું કે, તેના ઘર પાસે અસ્મુદ્દીન અંસારી અને એક અન્ય વ્યક્તિની વચ્ચે કોઈ મુદ્દે બોલાચાલી થઈ હતી. જેમાં સોની ઝઘડો ઉકેલવાનો પ્રયાસ કરી રહ્યો હતો. એટલામાં અંસારીએ સોની માટે અપશબ્દોનો પ્રયોગ કર્યો. તેણે દીપક સાથે દુર્વ્યવહાર કર્યો અને પેટ્રોલ છાંટીને આગ ચાંપી દીધી. જેમાં દીપક ખરાબ રીતે દાઝી ગયો છે. હોસ્પિટલમાં દાખલ દીપકે જણાવ્યું કે, આરોપી પેટ્રોલ વેચે છે. મેં પૂછ્યું કેમ લડી રહ્યો છે, તો કહેવા લાગ્યો કે, તું મારો માલિક નથી. મને અપશબ્દો બોલ્યાં અને પેટ્રોલ મારા પર છાંટીને માચીસ વડે આગ લગાવી દીધી હતી.

પોલીસ આરોપીની શોધમાં
ઘટના બાદ આસપાસના લોકોએ દીપકને બચાવી લીધો હતો અને તેને સારવાર માટે સબ ડિવિઝનલ હોસ્પિટલમાં દાખલ કરવામાં આવ્યો હતો. જ્યાંથી ડોક્ટરએ ગંભીર હાલતને જોતા ગઢવા સ્થિત સદર હોસ્પિટલ ખાતે રીફર કર્યો હતો. હાલમાં આ મામલામાં કોઈ એફઆઈઆર નોંધવામાં આવી નથી. ઇજાગ્રસ્તના નિવેદનના આધારે પોલીસે આરોપીઓને પકડવા માટે તપાસ હાથ ધરી છે.