ફોટોગ્રાફર્સને ઈગ્નોર કરતાં રૂબીના ટ્રોલ થઈ, યુઝર્સે કહ્યું- 'બિગ બોસ 14'ની ટ્રોફી જીત્યા બાદ અભિમાન આવી ગયું.

Published By : B.K.NEWS DAINIK
Published Date : 2021-03-07 17:26:21
Views : 374
Modified Date : 2021-03-07 17:26:21

થોડાં દિવસ પહેલાં જ 'બિગ બોસ 14'ની ટ્રોફી જીતનાર રૂબીના દિલૈક ટ્રોલર્સના નિશાને આવી ગઈ છે. એક્ટ્રેસ પોતાના એટીટ્યૂડને કારણે ટ્રોલ થઈ છે. હાલમાં જ રૂબીના મુંબઈ એરપોર્ટ પર જોવા મળી હતી. આ દરમિયાન તેણે ફોટોગ્રાફર્સની અવગણના કરી હતી. આનો એક વીડિયો સો.મીડિયામાં વાઇરલ થયો છે. વીડિયો જોયા બાદ તેના વર્તન પર યુઝર્સ ખરુંખોટું સંભળાવી રહ્યાં છે. અનેક યુઝર્સે એવું કહ્યું હતું કે 'બિગ બોસ'ની ટ્રોફી જીત્યા તે અભિમાની થઈ ગઈ છે. એક્ટ્રેસ કોઈ જવાબ આપતી નથી અને બાય બોલીને એરપોર્ટની અંદર જતી રહે છે. આ વાઇરલ વીડિયોમાં એક યુઝરે કમેન્ટ કરી હતી, 'બિગ બોસ'ની ટ્રોફી જીત્યા બાદ રૂબીના અભિમાની બની ગઈ છે.અન્ય એક યુઝરે કહ્યું હતું, 'આવા પણ સેલેબ્સ પણ હોય છે, આવા લોકોની પાછળ કેમ ભાગો છો તમે? ઘમંડી તથા એટીટ્યૂડ વાળા લોકોને છોડો. રૂબીના ટ્રોફી જીતવી ડિઝર્વ કરતી નથી. એક યુઝરે કહ્યું હતું, 'ક્યાં જશે આટલો એટીટ્યૂડ લઈને.'