કાશ્મીરમાં ભયાનક અકસ્માત: કાર લપસીને આશરે 500 ફૂટ નીચે ખાઇમાં પડી જતાં અનેક મુસાફરોએ જીવ ગુમાવ્યાની આશંકા

Published By : B.K.NEWS DAINIK
Published Date : 2022-05-26 12:40:48
Views : 271
Modified Date : 2022-05-26 12:40:48

જમ્મુ કાશ્મીરમાં પર્યટકોની ગાડીને અકસ્માત

જમ્મુ અને કાશ્મીરના ઝોજિલા પાસમાં એક ટેક્સી ઊંડી ખીણમાં પડી જતાં ઘણા લોકોના મોતની આશંકા છે. અધિકારીઓએ ગુરુવારે આ માહિતી આપી છે. બુધવારે મોડી રાત્રે, એક ટેક્સી શ્રીનગર-લેહ રાષ્ટ્રીય ધોરીમાર્ગ પરથી લપસીને ઊંડી ખાડીમાં પડી હતી, એમ એક પોલીસ અધિકારીએ જણાવ્યું હતું. ઝોજિલા પાસ લગભગ 3,400 મીટરની ઉંચાઈ પર છે. આ ટેક્સી કારગિલથી શ્રીનગર જઈ રહી હતી.

ગાડીમાં સવાર 7 લોકો માંથી 6 ના મૃત્યુ એકની હાલત ગંભીર

મહત્વનું છે કે, આજે સવારે જમ્મુ કાશ્મીરમાં પર્યટકોની ગાડીને અકસ્માત નડ્યો છે. જેમાં ગાડી 500 ફૂટ ઊંડી ખાઈમાં ખાબકી હતી. કહેવાઈ રહ્યું છે કે, ગાડીમાં 7 પર્યટકો સવાર હતાં. જેમાં એક પર્યટક સુરતના સુરતના 36 વર્ષીય અંકિત દિલીપકુમાર હોવાની માહિતી મળી છે. જેમનું આ દુર્ઘટનામાંમૃત્યુ થયું હોવાની માહિતી સામે આવી રહી છે.

ગત ગુરુવારે જમ્મુ અને કાશ્મીરના રામબન જિલ્લામાં પણ દુર્ઘટના બની હતી.

આ પહેલા ગુરુવારે જમ્મુ અને કાશ્મીરના રામબન જિલ્લામાં જમ્મુ-શ્રીનગર નેશનલ હાઈવે પર એક નિર્માણાધીન ટનલનો ભાગ તૂટી પડતાં 10 લોકોનાં મોત થયાં હતાં. ગત ગુરુવારે રાત્રે અચાનક ભૂસ્ખલન થતાં નવ મજૂરો કાટમાળમાં ફસાયા હતા. ઉલ્લેખનીય છે કે, T-4 સુધી નિર્માણાધીન ટનલના મુખ પર ભૂસ્ખલન થયું હતું. જેમાં ત્યાં કામ કરતા મજૂરો ફસાઈ ગયા હતા. ભૂસ્ખલનમાં અનેક ટ્રકો, ખોદકામ કરનારા અને અન્ય વાહનોને સંપૂર્ણપણે નુકસાન થયું હતું.