બ્રિટનના પૂર્વ વડાપ્રધાને વિરાટ કોહલીના વખાણ કર્યા:કહ્યું- હું વિરાટ કોહલીનો પ્રશંસક છું, તેની લીડરશિપ ક્વોલિટી શાનદાર

Published By : B.K.NEWS DAINIK
Published Date : 2024-10-23 17:17:51
Views : 203
Modified Date : 2024-10-23 17:17:51

બ્રિટનના પૂર્વ વડાપ્રધાન ડેવિડ કેમરૂને ભારતીય ક્રિકેટર વિરાટ કોહલીના વખાણ કર્યા છે. NDTV વર્લ્ડ સમિટમાં બોલતા કેમરૂને કહ્યું- હું વિરાટ કોહલીનો ફેન છું. તેમની લીડરશિપ ક્વોલિટી ઉત્તમ છે.ધ ઈન્ડિયા સેન્ચ્યુરીના આ સમિટમાં જ્યારે કેમરૂનને તેમના ફેવરિટ ક્રિકેટર વિશે સવાલ પૂછવામાં આવ્યો તો તેમણે કહ્યું- જ્યારે હું મોટો થઈ રહ્યો હતો ત્યારે મને ભારતના બિશન સિંહ બેદી ખૂબ જ ગમતા હતા. આ પછી મને રાહુલ દ્રવિડની બેટિંગ પણ ખૂબ જ ગમી. તેમણે ઇંગ્લેન્ડ સામે શાનદાર સદી ફટકારી હતી. મને તે સારી રીતે યાદ છે. મને તેમની બેટિંગ ગમી હતી.જે રીતે સ્ટોક્સ કેપ્ટન હતો, કોહલીએ પણ એવું જ કર્યું કેમરૂને વિરાટ કોહલીને મહાન ખેલાડી ગણાવ્યો હતો. તેમણે કોહલી વિશે કહ્યું કે- તમે જોઈ શકો છો કે આ સમયે જે રીતે બેન સ્ટોક્સ અમારી (ઇંગ્લેન્ડ) ટીમની કેપ્ટનશિપ કરી રહ્યા છે, તે જ રીતે કોહલી પણ કેપ્ટનશિપ કરી રહ્યો હતો. આ બંનેએ મેદાન પર શાનદાર નેતૃત્વ દેખાડ્યું છે.વિરાટ કોહલી હાલમાં ભારત અને ન્યૂઝીલેન્ડ સાથેની સિરીઝમાં ભાગ લઈ રહ્યો છે. જ્યારે બેન સ્ટોક્સ પાકિસ્તાન સાથેની સિરીઝમાં ઇંગ્લેન્ડની કેપ્ટનશિપ કરી રહ્યો છે.ભારતીય મૂળના બ્રિટિશ ટેલેન્ટ અદભૂત કેમરૂને ભારતીય મૂળના બ્રિટિશ ખેલાડીઓ અંગે પણ પોતાના વિચારો વ્યક્ત કર્યા હતા. તેણે કહ્યું- તાજેતરના સમયમાં અમે ભારતીય મૂળના શ્રેષ્ઠ બ્રિટિશ ખેલાડીઓની પ્રતિભા જોઈ છે. આવનારા સમયમાં ભારતીય મૂળના વધુ ખેલાડીઓ આવવાના છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links