દિલ્હી રમખાણો કેસ: કોર્ટે ભાજપ નેતા કપિલ મિશ્રા વિરુદ્ધ આપ્યા તપાસના આદેશ

Published By : B.K.NEWS DAINIK
Published Date : 2025-04-01 17:11:05
Views : 65
Modified Date : 2025-04-01 17:11:05

રાઉઝ એવન્યુ કોર્ટે દિલ્હીના કાયદા મંત્રી કપિલ મિશ્રા વિરુદ્ધ ઉત્તર પૂર્વ દિલ્હી રમખાણોમાં તેમની કથિત ભૂમિકાના સંદર્ભમાં વધુ તપાસનો આદેશ આપ્યો છે. કોર્ટે મિશ્રા વિરુદ્ધ FIR નોંધવાની અરજી સ્વીકારી લીધી. કોર્ટે કહ્યું કે, દિલ્હી પોલીસ દ્વારા રજૂ કરાયેલી સામગ્રીના આધારે, તેમની હાજરી કર્દમ પુરી વિસ્તારમાં હતી અને એક કોગ્નિઝેબલ ગુનો મળી આવ્યો હતો જેની તપાસ કરવાની જરૂર છે.

ઉત્તર-પૂર્વ દિલ્હીમાં 2020માં રમખાણો થયા હતા

દિલ્હીના કાયદા મંત્રી કપિલ મિશ્રાને મોટો ઝટકો લાગ્યો છે. દિલ્હી રમખાણો સંબંધિત કેસમાં કોર્ટે કપિલ મિશ્રા વિરુદ્ધ તપાસનો આદેશ આપ્યો છે. રાઉઝ એવન્યુ કોર્ટે મંગળવારે આ આદેશ 2020માં ઉત્તર પૂર્વ દિલ્હીમાં થયેલા સાંપ્રદાયિક રમખાણોમાં કપિલ મિશ્રાની ભૂમિકાની તપાસની માંગ કરતી અરજી પર આપ્યો હતો. 24 ફેબ્રુઆરી, 2020ના રોજ ઉત્તર-પૂર્વ દિલ્હીમાં રમખાણો ફાટી નીકળ્યા હતા, જેમાં 53 લોકો માર્યા ગયા હતા અને ઘણા ઘાયલ થયા હતા.