એક વર્ષ બાદ ટીમમાં કમબેક, ડેબ્યૂ T20માં આ ખેલાડીએ મચાવી તબાહી.

Published By : B.K.NEWS DAINIK
Published Date : 2023-08-19 16:14:36
Views : 135
Modified Date : 2023-08-19 16:14:36

બધાની નજર જસપ્રીત બુમરાહ અને રિંકુ સિંહ પર હતી. આ બંને વિશે ઘણી ચર્ચા થઈ હતી, પરંતુ ભારત અને આયર્લેન્ડ વચ્ચેની T20 શ્રેણીની પ્રથમ મેચ આ બંને સિવાય અન્ય એક ખેલાડી માટે ખાસ હતી, તે છે પ્રસિદ્ધ કૃષ્ણા ટીમ ઈન્ડિયાના ફાસ્ટ બોલરે આ ફોર્મેટમાં પ્રથમ T20 મેચમાં ડેબ્યૂ કર્યું હતું. બુમરાહની જેમ પ્રસિદ્ધ કૃષ્ણા પણ લાંબા સમય બાદ ટીમ ઈન્ડિયા માં પરત ફર્યો છે. બુમરાહની જેમ કૃષ્ણાએ પણ તેના પુનરાગમનની ઉજવણી જોરદાર રીતે કરી હતી.શુક્રવાર, 18 ઓગસ્ટથી, માલાહાઇડમાં ભારત અને આયર્લેન્ડ વચ્ચે ત્રણ T20 મેચોની શ્રેણી શરૂ થઈ. સીરિઝની પહેલી જ મેચમાં રિંકુ સિંહ અને પ્રસિદ્ધ કૃષ્ણાને ડેબ્યૂ કરવાની તક મળી હતી. IPLમાં રિંકુએ પોતાની વિસ્ફોટક બેટિંગ અને ફિનિશિંગથી એક ખાસ ઓળખ બનાવી. જો કે આયર્લેન્ડ સામે રિંકુ પોતાનું કોઈ ખાસ પ્રદર્શન કરી શક્યો ન હતો કારણ કે તેની બેટિંગ આવી જ ન હતી, પરંતુ પ્રસિદ્ધ કૃષ્ણાએ ચોક્કસપણે તેને મળેલી તકનો ફાયદો ઉઠાવ્યો હતો.ટીમ ઈન્ડિયાએ આ મેચમાં પ્રથમ બોલિંગ કરી અને આવી સ્થિતિમાં પ્રસિદ્ધ કૃષ્ણાને પહેલા બોલિંગ આક્રવાની તક મળી. જસપ્રીત બુમરાહે પહેલી જ ઓવરમાં 2 વિકેટ લઈને ભરતર તરફી માહોલ ઊભો કર્યો, જે બાદ પાંચમી ઓવરમાં પ્રસિદ્ધ કૃષ્ણા બોલિંગ માટે આવ્યો હતો. ગયા વર્ષે ઓગસ્ટમાં ઝિમ્બાબ્વે સામેની ODI શ્રેણી બાદ પ્રસિદ્ધની આ પ્રથમ ઓવર હતી અને તેણે નિરાશ કર્યા ન હતા. તેણે લેગ સાઈડ પર વાઈડથી શરૂઆત કરી પરંતુ બાદમાં તરત જ લય પકડી અને છેલ્લા બોલમાં તેણે હેરી ટેક્ટરની વિકેટ પણ મેળવી.તેની આગલી જ ઓવરમાં પ્રસિદ્ધે ફરીથી ટીમને સફળતા અપાવી અને આ વખતે અનુભવી ઓલરાઉન્ડર જ્યોર્જ ડોકરેલ તેનો શિકાર બન્યો. સાતમી ઓવરમાં પ્રસિદ્ધના ત્રીજા બોલ પર ડોકરેલ કવર્સ ફિલ્ડરને કેચ આપી બેઠો. આ રીતે પ્રસિદ્ધે આયર્લેન્ડના મિડલ ઓર્ડરને તોડી પાડવામાં મહત્વની ભૂમિકા ભજવી હતી.જો કે તેની છેલ્લી ઓવર મોંઘી હતી, પરંતુ ઓવરઓલ આંતરરાષ્ટ્રીય ક્રિકેટમાં તેની કમબેક મેચમાં 4 ઓવરમાં 32 રન આપીને 2 વિકેટ સાથે તેનું પ્રદર્શન સારું રહ્યું હતું. લાંબા સમય બાદ આંતરરાષ્ટ્રીય ક્રિકેટમાં બોલિંગ કરી રહેલ કૃષ્ણાએ એશિયા કપ અને વર્લ્ડ કપ માટે તેની પસંદગીની આશાઓને વધુ મજબૂત કરી છે.