લગ્નના 6 વર્ષ પછી બિપાશા બાસુ બનશે માતા

Published By :
Published Date : 2022-09-09 17:06:47
Views : 221
Modified Date : 2022-09-09 17:06:47

બેબી શાવરની તસવીરો વાયરલ
બિપાશા બાસુ અને કરણ સિંહ ગ્રોવર ટૂંક સમયમાં માતા-પિતા બનવાના છે. હવે બિપાશા બાસુની બેબી શાવર સેરેમની થઈ છે. આ દરમિયાન બિપાશા ખૂબ જ સુંદર લાગી રહી હતી.

પિંક સાડીમાં જોવા મળી બિપાશા
બિપાશા બાસુએ આ ખાસ પ્રસંગ માટે ગુલાબી રંગની બનારસી સાડી પહેરી હતી. કપાળ પર બિંદી અને માંગમાં સિંદૂર અભિનેત્રીના લુકને કમ્પ્લિટ કરી રહ્યું હતું. તસવીરોમાં બિપાશા બાસુના ચહેરા પર પ્રેગ્નેન્સી ગ્લો સ્પષ્ટ દેખાય છે. તેણે તેના પતિ અને અભિનેતા કરણ સિંહ ગ્રોવર સાથે ઘણી તસવીરો પણ શેર કરી છે.

માતા સાથે ફોટો કર્યા શેર
આ ઉપરાંત બિપાશાએ તેની માતા સાથેના ફોટા પણ સોશિયલ મીડિયા પર શેર કર્યા છે. તમામ તસવીરોમાં બિપાશાની સુંદરતા લોકોનું ધ્યાન ખેંચી રહી છે. સોશિયલ મીડિયા પર ફેન્સ બિપાશા અને કરણની તસવીરો પર કોમેન્ટ દ્વારા પ્રેમ વરસાવી રહ્યા છે. લોકો અભિનેત્રીની સુંદરતાના વખાણ કરી રહ્યા છે.

2015માં સાથે કર્યું હતું કામ
તમને જણાવી દઈએ કે, બિપાશા અને કરણે વર્ષ 2015માં રિલીઝ થયેલી હોરર ફિલ્મ 'અલોન'માં સાથે કામ કર્યું હતું. આ ફિલ્મ દરમિયાન બંનેએ એકબીજાને દિલ આપી બેઠા હતા. આ પછી 30 એપ્રિલ 2016 ના રોજ બિપાશા બાસુ અને કરણ સિંહ ગ્રોવર લગ્નના બંધનમાં બંધાયા. તમને જણાવી દઈએ કે બિપાશા કરણની ત્રીજી પત્ની છે.