બ્રિટનમાં ભારતીય મૂળનો યુવક બળાત્કાર અને લૂંટ કેસમાં દોષિ, 15 વર્ષની સજા થઈ

Published By : B.K.NEWS DAINIK
Published Date : 2019-11-03 16:28:28
Views : 424
Modified Date : 2019-11-03 16:28:28

બ્રિટનની એક કોર્ટે દક્ષિણ-પૂર્વ ઇંગ્લેન્ડમાં ચાકૂની અણી પર એક મહિલા પર બળાત્કાર ગુજારવા અને લૂંટના ગુનામાં ભારતીય મૂળના દિલજીત ગ્રેવાલને 15 વર્ષની જેલની સજા ફટકારી છે. કોર્ટના જણાવ્યા મુજબ, 15 વર્ષની જેલની સજા પૂરી કર્યા બાદ 5 વર્ષ સુધી તેના પર નજર રાખવામાં આવશે.

પોલીસના જણાવ્યા મુજબ, ગ્રેવાલે મહિલા સાથે મુલાકાત કરી અને 29 એપ્રિલ 2019ના રોજ હિલિંગડનમાં તેના ઘરે પહોંચ્યો હતો. ત્યાં ગ્રેવાલે મહિલાને ચાકૂ બતાવીને લગભગ અઢી ક્લાક સુધી તેની સાથે મારઝૂડ કરી હતી. તેણે મહિલા પાસે નાણાંની માગણી પણ કરી હતી. મહિલાને તેને નાણાં આપી દીધા હતા. ત્યારબાદ આરોપી ત્યાંથી ફરાર થઇ ગયો હતો.

મહિલાએ બ્રિટનથી બહાર તેના એક મિત્રને ફોન કર્યો હતો, જેણે પોલીસને જાણકારી આપી હતી. ત્યારબાદ પોલીસે ગ્રેવાલની ધરપકડ કરી લીધી હતી. કેસની તપાસ કરી રહેલા અધિકારીએ માર્ક પાલમેરે જણાવ્યું હતું કે, હું કોર્ટના ચુકાદાનું સ્વાગત કરું છું. મને આશા છે કે આ ચુકાદાથી દુષ્કર્મ પીડિત સામે આવશે. હું પીડિતાને સામે આવીને પોતાની વાત રાખવા માટે તેનો આભાર માનું છું.