Baba Ramdevએ બોલિવૂડ પર નિશાન સાધ્યું કહ્યું, સલમાન ખાન ડ્રગ્સ લે છે

Published By : PIYUSH PARMAR
Published Date : 2022-10-16 11:35:28
Views : 322
Modified Date : 2022-10-16 11:35:28

યોગગુરુ બાબા રામદેવ હંમેશા પોતાની વાત ખુલ્લેઆમ જનતાની સામે રાખે છે. તાજેતરમાં, તેમણે એક કોન્ફરન્સમાં વ્યસન મુક્તિ વિશેના તેમના વિચારો લોકો સમક્ષ મૂક્યા. યોગ ગુરુ બાબ રામદેવ પોતાના ભાષણમાં કેટલીક વખત બોલિવુડ (Bollywood) પર નિશાન સાધ્યું છે ફરી એક વખત તેમણે હિન્દી ફિલ્મ ઈન્ડસ્ટ્રીને નિશાન બનાવ્યું છે. તમને જણાવી દઈએ કે, બાબા રામદેવ (Baba Ramdev)શનિવારના રોજ ઉત્તર પ્રદેશના મુરાદાબાદમાં થયેલા આર્યવીર મહાસંમેલનમાં સામેલ થયો હતો. આ સંમેલનમાં તેમણે લોકોને નશામુક્તિને લઈ જાગ્રરુક્તા વધારવાની કોશિશ કરી હતી. આ દરમિયાન તેમણે એક ન્યુઝ વેબસાઈટ રિપોર્ટ અનુસાર બોલિવુડ પર પણ બાબા રામદેવનો ગુસ્સો સામે આવ્યો હતો તેમણે કહ્યું કે, આખી ઈન્ડસ્ટ્રી ડ્રગ્સની ઝપેટમાં આવી ચૂકી છે, મોટા મોટા ફિલ્મ સ્ટાર ડ્રગ્સ લઈ રહ્યા છે. આ દરમિયાન સલમાન ખાન વિશે મોટો ખુલાસો કરતા બાબા રામદેવે દાવો કર્યો કે, સલમાન ખાન પણ ડ્રગ્સ લે છે.યોગ ગુરુ બાબા રામદેવે કહ્યુંકે, આ દેશમાં ડ્રગ્સ મોટા મોટા સ્ટાર લે છે. છેલ્લા કેટલાક સમયથી તમે જોયું હશે કે, સલમાન ખાનનો છોકરો ( પછી યોગ્ય રીતે બાબા રામદેવે કહ્યું) શાહરુખ ખાનનો છોકરો ડ્રગ્સ લઈ રહ્યો છે, સલમાન ખાન લે છે આમિર ખાનની ખબર નથી કે કેટલા ફિલ્મસ્ટાર અને અભિનેતા ભગવાનના માલિક છે ચારે બાજુ ફિલ્મ ઈન્ડસ્ટ્રીની અંદર બોલિવુડની અંદર ડ્ર્ગસ છે.તેમના ભાષણમાં બાબા રામદેવે વધુમાં કહ્યું કે, “આપણે સંકલ્પ લેવો જોઈએ કે આપણો આ દેશ આર્યભૂમિ આપણને તમામ પ્રકારના નશામાંથી મુક્ત કરે. આપણે વ્યસનમુક્તિની ચળવળ શરૂ કરવી જોઈએ. તે જરૂરી છે કારણ કે ઘરો બરબાદ થઈ રહ્યા છે, બાળકો બરબાદ થઈ રહ્યા છે અને વિદ્યાર્થીઓ બરબાદ થઈ રહ્યા છે. આપણે નશા મુક્ત સમાજ બનાવવા માટે આંદોલન શરૂ કરવું પડશે.આ વખતે બાબા રામદેવે આમિર ખાન પર આરોપ લગાવ્યો નથી પરંતુ ગયા વર્ષે તેણે આમિરનો એક વીડિયો શેર કર્યો હતો. આમિર ખાનના શો ‘સત્યમેવ જયતે’ની વીડિયો ક્લિપ શેર કરતી વખતે બાબા રામદેવે કહ્યું કે ‘જો આ મેડિકલ માફિયાઓમાં હિંમત હોય તો આમિર ખાન સામે મોરચો ખોલો.’