અનુપમ ખેરે કહ્યું- 'મારી પર ભોજન ફેંકવામાં આવ્યું હતું, નૂડલ્સ મારા માથા પર લટકતી હતી ને શર્ટમાંથી ગ્રેવી ટપકતી હતી'

Published By : B.K.NEWS DAINIK
Published Date : 2020-12-29 15:11:18
Views : 404
Modified Date : 2020-12-29 15:11:18

અનુપમ ખેરે પોતાના પોડકાસ્ટ 'અનુપમ કેર્સ'માં પોતાની સૌથી બકવાસ ડેટ અંગે વાત કરી હતી. તેમણે પોડકાસ્ટનું ટ્રેલર પણ શૅર કર્યું છે. ટ્રેલરમાં તેમણે કહ્યું હતું કે તેમની સૌથી બકવાસ ડેટમાં તેમની પર ભોજન ફેંકવામાં આવ્યું હતું. આ ઘટનાથી તેઓ એટલા દુઃખી થયા હતા કે તેઓ માત્ર રેસ્ટોરાંનું બિલ ચૂકવવાનું જ નહોતા ભૂલ્યા પરંતુ સાધુ બનવાનું વિચારવા લાગ્યા હતા.અનુપમે કહ્યું હતું, 'અમે પૂરો સમય ત્યાં રહેતા હતા. કોઈ તમાશો કરવા ઈચ્છતા નહોતા અને હું કંઈક એવી હાલતમાં હતો કે સ્વીટ કોર્ન, ચિકન સૂપ મારા ખોળામાં હતો, મારા શર્ટમાંથી ગ્રેવી ટપકતી હતી, હક્કા નૂડલ્સ મારા માથા પર લટકતા હતા. હું બિલકુલ સેહરા પહેરેલો ટ્રેડિશનલ વરરાજા જેવો લાગતો હતો. જોકે, વરરાજાની શોભ વધારનાર સેહરાને બદલે મારા માથા પર ડિનર હતું અને આ ઘણું જ અપમાનજનક હતું. હું ચુપચાપ રેસ્ટોરાંની બહાર નીકળી ગયો. આઘાતને કારણે હું બિલ ચૂકવવાનું પણ ભૂલી ગયો હતો.

અનુપમે આગળ કહ્યું હતું, 'જ્યારે હું ઘર તરફ જતો હતો ત્યારે મેં મારા કાનમાંથી સૂપ સાફ કર્યો અને વિચાર્યું કે શું પ્રેમનો અહેસાસ આ જ હોય છે? આથી જ મેં એ જ કર્યું, જે દરેક કન્ફ્યૂઝ યુવક કરે છે. હું પણ સાધુ બનવા તૈયાર થઈ ગયો હતો.'અનુપમે વીડિયો શૅર કરીને કહ્યું હતું, 'મારા પોડકાસ્ટનું ટ્રેલર. આ મારી સૌથી વર્સ્ટ ડેટની વાત છે. રિકવર થવા માટે મારે એક આશ્રમમાં જવું પડ્યું હતું. હું તમારો પરિચય એક એવા પેરાશૂટિસ્ટ સાથે પણ કરાવીશ, જેમણે દુનિયાના કેન્દ્રમાં કંઈક જાદુ કરવાનો નિર્ણય કર્યો છે.અનુપમ ખેર હાલમાં ડિરેક્ટર વિવેક અગ્નિહોત્રાની ફિલ્મ 'ધ કાશ્મીર ફાઈલ્સ'ના શૂટિંગમાં વ્યસ્ત છે. આ ફિલ્મમાં કાશ્મીરી પંડિતો તથા તેમના સ્થળાંતર અંગે વાત કરવામાં આવી છે. આ ફિલ્મ આવતા વર્ષે રિલીઝ થશે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links