અલી અબ્બાસે ફરી માફી માગી અને લખ્યું, જે સીનને લઈને વિવાદ થયો અમે તેમાં ફેરફાર કરશું

Published By : B.K.NEWS DAINIK
Published Date : 2021-01-20 12:02:28
Views : 327
Modified Date : 2021-01-20 12:02:28

અલીએ માફી માગી લીધી છે, 'તાંડવ' સિરીઝમાં ભગવાન શિવના અપમાન માટે. એકવાર નહીં બે વખત માફી માગી છે. ત્યારબાદ તેણે એક નિર્ણય લીધો છે. તેના જણાવ્યા મુજબ હવે સિરીઝમાં જિશાન અયુબ પર પિક્ચરાઇઝ થયેલો વિવાદિત સીન બદલવામાં આવશે, જેને કારણે દેશમાં વિરોધ થયો હતો. અલી અબ્બાસે તેના નિર્ણયની જાણ સોશિયલ મીડિયા પર પોસ્ટ મારફતે કરી છે.

અલીએ પોસ્ટમાં લખ્યું, અમે દેશવાસીઓની ભાવનાનું ઘણું સન્માન કરીએ છીએ. કોઈ વ્યક્તિ, જાતિ, સમુદાયની ધાર્મિક ભાવનાઓ, આસ્થાઓ, સંસ્થા, પોલિટિકલ પાર્ટી અથવા કોઈપણ જીવિત કે મૃત વ્યક્તિને અપમાનિત કરવાનો કોઈ ઈરાદો ન હતો. તાંડવના આખા યુનિટે વેબ સિરીઝને લઈને થયેલા વિરોધને ધ્યાનમાં રાખીને તેમાં ફેરફાર કરવાનો નિર્ણય લીધો છે. શોની ટીમ આ બાબતે માર્ગદર્શન અને સમર્થન માટે ઇન્ફોર્મેશન અને બ્રોડકાસ્ટ મિનિસ્ટ્રીની આભારી છે. જો સિરીઝથી કોઈ વ્યક્તિની ભાવનાને અજાણતા ઠેસ પહોંચી હોય તો અમે ફરી એકવાર માફી માગીએ છીએ.

1.ઉત્તરપ્રદેશની રાજધાની લખનઉમાં સિરીઝ વિરુદ્ધ હઝરતગંજ પોલીસ સ્ટેશનમાં FIR ફાઈલ થઇ.
2.તેમાં ડિરેક્ટર અલી અબ્બાસ, પ્રોડ્યુસર હિમાંશુ કૃષ્ણ મેહરા, લેખક ગૌરવ સોલંકી અને હેડ ઇન્ડિયા ઓરિજિનલ કન્ટેન્ટ (એમેઝોન) અપર્ણા પુરોહિતનું નામ સામેલ છે.
3.બે દિવસ પહેલાં ભાજપ સાંસદ મનોજ કોટકે રવિવારે કહ્યું કે તેણે ઇન્ફોર્મેશન અને બ્રોડકાસ્ટિંગ મિનિસ્ટર પ્રકાશ જાવડેકરને લેટર લખીને તાંડવને બેન કરવાની માગ કરી હતી.
4.મુંબઈમાં ભાજપના MLA રામ કદમે ઘાટકોપર પોલીસ સ્ટેશનમાં ફરિયાદ કરી હતી, સાથે જ સોમવારે મેકર્સ અને એમેઝોન ઓફિસ બહાર પ્રદર્શન કર્યું. સાથે જ એમેઝોન પ્રોડક્ટ ન ખરીદવા અને એપ ડિલીટ કરવા અપીલ કરી.
5.મુઝફ્ફરપુરની CJM કોર્ટમાં વકીલ સુધીર ઓઝાએ યાચિકા ફાઈલ કરી જેમાં અંદાજે 96 લોકોને આરોપી બનાવ્યા છે. તેની સુનાવણી 23 જાન્યુઆરીએ થશે.
6.મધ્યપ્રદેશના જબલપુરમાં ઓમતી પોલીસે સિરીઝના મેકર્સ અને કલાકારો વિરુદ્ધ IPCની કલમ 153A, 295A, 505(2) હેઠળ ફરિયાદ કરી છે.