50 પૈસાના સિક્કા પણ ચલણમાં, લેવાનો કોઇ ઇનકાર કરી શકે નહી: RBI

Published By : B.K.NEWS DAINIK
Published Date : 2019-06-27 20:42:35
Views : 584
Modified Date : 2019-06-27 20:42:35

ભારતીય રિઝર્વ બેંકે ફરી એકવાર સ્પષ્ટ કર્યું છે કે, 50 પૈસાથી લઇને 10 રૂપિયા સુધીના દરેક સિક્કા માન્ય છે અને ચલણમાં છે. તેને સ્વિકારવાનો બેંક સહિત કોઇ પણ ઇનકાર કરી શકે નહી. બેંકોને સખ્ત નિર્દેશ આપતા રિઝર્વ બેંકે કહ્યું કે, તેમની શાખાઓમાં આવા તમામ સિક્કા સ્વિકાર કરવામાં આવે.

રિઝર્વ બેંકે એક નિવેદનમાં કહ્યું કે, એવી ખબરો છે કે લોકોને કેટલાક ભાગોમાં આ વિશે સંદેહ છે કે આ સિક્કા સાચા છે કે નહી. જેના કારણે કેટલાક વેપારીઓ, દુકાનદારો અને સામાન્ય લોકો સિક્કા લેવાની અચકાય છે. આ કારણે દેશના ઘણાં ભાગોમાં સિક્કાનું કોઇ અડચણ વગર સર્ક્યૂલેશન અને ઉપયોગ નથી થઇ રહ્યો.

નોટ અને સિક્કાના એક્સચેન્જની સુવિધા વિશેના એક સર્ક્યૂલરમાં RBIએ કહ્યું કે, કોઇ પણ બેંક પાતાની બ્રાન્ચના કાઉન્ટર પર નાના સિક્કાઓ સ્વિકારવાનો ઇનકાર કરી શકે નહી. રિઝર્વ બેંકે નોટિફિકેશન દ્વારા તમામ બેંકોને કહ્યું કે, તમને ફરીવાર સલાહ આપવામાં આવે છે કે, તમારી તમામ શાખાઓને તત્કાલ નિર્દેશ આપો કે તેઓ તમામ મુલ્યના સિક્કા પોતાના કાઉન્ટ પર લેણદેણ અથવા વિનિમય માટે સ્વકાર કરે અને તે સુનિશ્ચિત કરે તે તેનું સખ્તાઇથી પાલન થાય.

નોંધનીય છે કે, રિઝર્વ બેંક ઓફ ઇન્ડિયાને આ વિશે વારંવાર ફરિયાદો મળી રહી છે કે, બેંકની શાખાઓ સિક્કા નથી લઇ રહી, જેના કારણે લોકોને ઘણી અસુવિધા થઇ રહી છે.