પુત્રને ડૂબતા બચાવવા જતાં એક જ પરિવારના 5 લોકોના મોત, મહારાષ્ટ્રમાં બની મોટી દુર્ઘટના

Published By : B.K.NEWS DAINIK
Published Date : 2022-05-08 12:45:54
Views : 233
Modified Date : 2022-05-08 12:45:54

એક પરિવાર કપડા ધોવા ગયો હતો, જ્યાં તેમના પર આફત આવી પડી હતી. શનિવારે ઢાણે જિલ્લાના ડોંબિવલી પૂર્વમાં કપડા ધોવા દરમિયાન પાણીથી ભરેણી ખાડીમાં ત્રણ બાળકો સહિત એક જ પરિવારના પાંચ લોકો ડૂબી ગયા હતા.

પીડિતોની ઓળખાણ મીરા ગાયકવાડ (55), તેમની વહુ અપેક્ષા ગાયકવાડ (30), અને પૌત્ર મયૂરેશ ગાયકવાડ (14), મોક્ષ ગાયકવાડ (13) અને સિદ્ધેશ ગાયકવાડ (14) તરીકે થઈ હતી. પાંચે મૃતક કથિત રીતે દેસલે પાડામાં રહે છે.

કપડામાં ધોવામાં વ્યસ્ત હતી મહિલા

પોલીસના જણાવ્યા અનુસાર, મૃતક કપડા ધોવામાં વ્યસ્ત હતા, ત્યારે તળાવના કિનારે બેઠેલા તેના પૌત્રમાંથી એક પાણીમાં પડી ગયો હતો, તેને બચાવવા માટે ભાઈ અને બંને મહિલા પણ કુદી ગઈ અને ડૂબી ગઈ. ઘટનાસ્થળ પર હાજર સ્થાનિક લોકોએ મનપાડા પોલીસને આ ઘટનાની જાણ આપી. ત્યાર બાદ પોલીસે પીડિતોની શોધ હાથ ધરી હતી.

પોલીસે કહી આ વાત

ડોંબિવલી ડિવીઝનના સહાયક પોલીસ અધિકારી જે ડી મોરે કહ્યું પ્રથમ દ્રષ્ટિએ એવું લાગે છે કે, પહેલા એક શખ્સ પાણીમાં ડૂબ્યો અને બાદમાં તેને બચાવવા માટે અન્ય લોકો પણ પાણીમાં પડ્યા તેઓ પણ ડૂબી ગયા હતા, પોલીસે હાલમાં પાણીમાં ડૂબવાના કારણે આકસ્મિક રીતે મોત થયા હોવાનો કેસ નોંધી લીધો છે.