દિલ્હીગેટ વિસ્તારની વિવાદાસ્પદ 7 દુકાનો તોડી પડાઇ

Published By : B.K.NEWS DAINIK
Published Date : 2020-07-08 12:36:55
Views : 1438
Modified Date : 2020-07-08 12:36:55

દિલ્હીગેટ ફીમેલ હોસ્પિટલ આગળ આવેલી વિવાદાસ્પદ 7 દુકાનોને દિવસભરની રઝળપાટ બાદ નગર પાલિકાની ટીમે તોડી પાડી હતી. જો ક,વેપારીઓને અન્યત્ર જગ્યા ફાળવાઈ હોવા છતાં વેપારીઓને જવું ન હોવાથી આ દુકાનો તોડવાનો ઉગ્ર વિરોધ કરતા નગર પાલિકાની ટીમને ભારે જહેમત કરવી પડી હતી. જેને લઈ સવારે દુકાનો તોડવા પહોંચેલી નગરપાલિકાની ટીમને સાંજે 5 વાગ્યે સફળતા મળી હતી. દિલ્હીગેટની ફીમેલ હોસ્પિટલ આગળની દુકાનોને મંગળવારે નગરપાલિકાની ટીમ દ્વારા તોડી પડાઇ હતી. અંદાજે ચાર માસ અગાઉ નગરપાલિકા દ્વારા દુકાનદારોને દુકાનો ખાલી કરવા માટેની નોટિસો પાઠવી હતી. આ દુકાનોની બદલામાં દુકાનદારોને વડલી વાળા પરા વિસ્તારમાં જગ્યા ફાળવાઈ હતી.પરંતુ દુકાનદારોને આ જગ્યા પસંદ ન હોવાને લઇ કોકડું ગૂંચવાયું હતું. જોકે નગર પાલિકાની ટીમે દિવસભર દુકાનો તોડી પાડવા માટેની કવાયત કરતા રહેવું પડ્યું હતું. પરંતુ દુકાનદારનું ના ઉગ્ર વિરોધને લઈ દુકાનો તોડી શકાય ન હતી દુકાનદારોનું કહેવું હતું કે જ્યાં સુધી અમને અન્યત્ર ફાળવાયેલી જગ્યા ના દસ્તાવેજો અને નક્શા ન અપાય ત્યાં સુધી અમે અમારી દુકાન તોડવા નહીં દઈએ.જોકે સાંજે છ વાગે દુકાનદારોના વિરોધ વચ્ચે પણ નગરપાલિકાની ટીમ દ્વારા બંધ દુકાનના તાળા તોડી ચાર જેટલા ટ્રેકટરોમાં સામાન ભરી દેવાયો હતો. વિવાદિત દુકાનો વચ્ચે ગુરુનાનક મંદિર આવેલું છે. જોકે મંદિરની વ્યવસ્થા ન થાય ત્યાં સુધી મંદિર ન તોડવા તંત્ર દ્વારા કહેવાયું હતું પરંતુ મંદિરને અડીને આવેલી દુકાન તોડવા જતાં દુકાનની સાથે જ મંદિરની દિવાલ ધરાશાયી થઇ ગઇ હતી. ઘટનાને પગલે સિંધી સમાજના લોકો એકત્રિત થઈ ગયા હતા.અને સિંધી સમાજના લોકો અને પાલિકા કર્મીઓ વચ્ચે ચકમક જરી હતી.

બપોરથી સાંજસુધીનો ઘટનાક્રમ