હાવડા-પટના વચ્ચે દોડશે વંદે ભારત એક્સપ્રેસ.

Published By : B.K.NEWS DAINIK
Published Date : 2023-08-05 16:10:25
Views : 140
Modified Date : 2023-08-05 16:10:25

પશ્ચિમ બંગાળની રાજધાની કોલકાતાથી બિહારની રાજધાની પટના ઓછા સમયમાં પહોંચવું હવે શક્ય બનશે. હાવડા-પટના વંદે ભારત એક્સપ્રેસ ટૂંક સમયમાં શરૂ થવા જઈ રહી છે. શનિવારે આ રૂટ પર ટ્રાયલ લેવામાં આવી હતી. સેમી હાઈ સ્પીડ હાવડા-પટના વંદે ભારત એક્સપ્રેસનું ટ્રાયલ રન પટના સ્ટેશનથી સવારે 8 વાગ્યે શરૂ થયું હતું. તે બપોરે 2.30 વાગ્યે આસનસોલ થઈને હાવડા સ્ટેશન પહોંચી હતી. આ યાત્રા માત્ર 6 કલાકમાં પૂર્ણ થઈ હતી.વંદે ભારત એક્સપ્રેસ હાવડાથી બપોરે 3:55 વાગ્યે ઉપડશે અને સાંજે 5:50 વાગ્યે આસનસોલ પહોંચશે અને ત્યાંથી પટના પહોંચશે. હાવડા અને પટના વચ્ચેની આ પહેલી વંદે ભારત એક્સપ્રેસ છે. હાવડા DRM સંજીવ કુમારે કહ્યું કે, મુસાફરો 6 કલાકમાં કોલકાતાથી પટના પહોંચી શકે છે, પરંતુ આ વંદે ભારત એક્સપ્રેસ ક્યારે દોડશે, તે અંગે હજુ સુધી કંઈ કહેવામાં આવ્યું નથી.જો કે, એવું સાંભળવામાં આવી રહ્યું છે કે આ સેમી હાઈસ્પીડ ટ્રેન 15 ઓગસ્ટથી શરૂ થઈ શકે છે. અત્યારે બિહારની રાજધાની પટનાથી હાવડા અને હાવડાથી બિહાર પહોંચવામાં લગભગ નવ કલાકનો સમય લાગે છે, પરંતુ આ સમય મર્યાદા ઘટાડીને માત્ર છ કલાક થશે.રેલવે સૂત્રોના જણાવ્યા અનુસાર, શનિવારે પટનાથી ટ્રાયલ શરૂ કરવામાં આવ્યું છે અને તે સફળ રહ્યું છે. આ સાથે હાવડા-પટના રૂટના મુસાફરોને ઓછા સમયમાં મુસાફરી કરવા મળશે. હાવડા-પુરી, હાવડા-એનજેપી અને ન્યૂ જલપાઈગુડી-ગુવાહાટી સ્ટેશનો પછી હવે બીજી વંદે ભારત એક્સપ્રેસ ટ્રેન બંગાળથી અન્ય રાજ્યોમાં દોડશે. ન્યૂ જલપાઈગુડી-ગુવાહાટી પર ટ્રાયલ રન ગયા વર્ષે મે મહિનામાં કરવામાં આવ્યું હતું.વડાપ્રધાન નરેન્દ્ર મોદીના અમૃત ભારત સ્ટેશન પ્રોજેક્ટ હેઠળ સમગ્ર ભારતમાં 508 સ્ટેશનોના પુનઃવિકાસ માટેનો શિલાન્યાસ સમારોહ રવિવારે યોજાશે. કોલકાતાના સિયાલદહ સ્ટેશનના પ્લેટફોર્મ નંબર 6 પર એક કાર્યક્રમ યોજાશે. જેમાં પશ્ચિમ બંગાળના રાજ્યપાલ ડો. સીવી આનંદ બોઝ, ક્રિકેટર અને પદ્મ પુરસ્કાર વિજેતા ઝુલન ગોસ્વામી, તીરંદાજ અને પદ્મ પુરસ્કાર વિજેતા બોમ્બેલા દેવી લૈશરામ અને પદ્મ પુરસ્કાર વિજેતા પ્રહલાદ રાય અગ્રવાલ ઉપસ્થિત રહેશે.