બોર્ડ પરીક્ષાઓ માટે 10 ડિસેમ્બરે કેન્દ્રીય શિક્ષણ મંત્રી વેબિનારનું આયોજન કરશે, વિદ્યાર્થીઓ લાઇવ ઇન્ટરેક્શન દ્વારા સવાલ પૂછી શકશે

Published By : B.K.NEWS DAINIK
Published Date : 2020-12-02 15:28:07
Views : 313
Modified Date : 2020-12-02 15:28:07

સેન્ટ્રલ બોર્ડ ઓફ સેકન્ડરી એજ્યુકેશન (CBSE)ની 10મા-12મા ધોરણની પરીક્ષાઓ અંગે વિદ્યાર્થીઓ અને માતા-પિતા હજી મૂંઝવણમાં છે. બોર્ડની પરીક્ષા માટેની તારીખો સામાન્ય રીતે નવેમ્બર-ડિસેમ્બરમાં જ જાહેર કરવામાં આવે છે. જો કે, આ વર્ષે કોરોના દ્વારા સર્જાયેલી પરિસ્થિતિને ધ્યાનમાં રાખીને અકેડેમિક યર 2020- 21માં યોજાનારી પરીક્ષાઓની ડેટશીટ બહાર પાડવામાં આવી નથી. આવી સ્થિતિમાં, કેન્દ્રીય શિક્ષણ પ્રધાન રમેશ પોખરિયાલ 10 ડિસેમ્બરે પરીક્ષા અંગેની મૂંઝવણ માટે એક વેબિનારનું આયોજન કરવા જઈ રહ્યા છે.

આ સંદર્ભે કેન્દ્રીય શિક્ષણ દ્વારા બહાર પાડવામાં આવેલી એક ઓફિશિયલ અપડેટ મુજબ, શિક્ષણમંત્રી ડો. નિશંકે એક સોશિયલ મીડિયા પોસ્ટ દ્વારા જણાવ્યું કે વિદ્યાર્થીઓ #EchoolMinisterGoesLive! દ્વારા ઓનલાઇન બોર્ડ પરીક્ષાને લગતા પ્રશ્નો પૂછી શકે છે. અગાઉ આ સોશિયલ ઇન્ટરેક્શન 3 ડિસેમ્બરે બપોરે 1 વાગ્યે યોજાવાની હતી. જો કે, હવે તે 10 ડિસેમ્બરે યોજાશે.બીજીબાજુ, CBSE બોર્ડના સેક્રેટરી અનુરાગ ત્રિપાઠીએ આવતા વર્ષે યોજાનારી પરીક્ષા અંગેની માહિતી શેર કરી હતી અને કહ્યું કે, બોર્ડની પરીક્ષાઓ માટેની ડેટશીટ ટૂંક સમયમાં બહાર પાડવામાં આવશે. તેમણે માહિતી આપી કે, CBSEની 10મા અને 12મા ધોરણની પરીક્ષા ચોક્કસપણે લેવામાં આવશે, જેના માટે ટૂંક સમયમાં શિડ્યૂલ બહાર પાડવામાં આવશે. તેમજ, વિવિધ મીડિયા અહેવાલો અનુસાર, સેકન્ડરી અને સિનિયર સેકન્ડરી ક્લાસિસની પ્રેક્ટિકલ એક્ઝામ જાન્યુઆરી 2021માં લેવામાં આવી શકે છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links