‘ટોઈલેટ એક પ્રેમ કથા’, સાસરિયામાં ટોઈલેટ બનાવવા એક વર્ષ સુધી લડી પરિણીતા, અંતે હારીને પતિનું ઘર છોડ્યું

Published By : B.K.NEWS DAINIK
Published Date : 2019-08-29 17:34:36
Views : 525
Modified Date : 2019-08-29 17:34:36

ફિલ્મ ‘ટોઈલેટ એક પ્રેમ કથા’ જેવા દેશમાં અનેક કિસ્સાઓ હવે સામે આવી રહ્યા છે. એવો જ વધુ એક કિસ્સો ગુજરાતમાં જોવા મળ્યો છે. જ્યાં પરિણીતાએ લગ્નના એક જ વર્ષમાં સાસરિયામાં ટોઈલેટ ન હોવાથી ઘર છોડી દીધું હતું. પરિણીતાએ ગાંધીનગર લોકલ કોર્ટમાં મેન્ટેનન્સ પીટિશન કરી માસિક વળતર માટે મહિને 10000 રૂપિયાની માંગ કરી હતી. જેનો હાલમાં જ કોર્ટે ચૂકાદો આપ્યો છે. કોર્ટે પતિને દર મહિને વળદર પેટે તેની પત્નીને 6000 રૂપિયા આપવાનો આદેશ કર્યો છે.ટોઈલેટને લઇને નાના-મોટા ઝઘડા ચલતાપ્રાપ્ત માહિતી અનુસાર, ઉષા ચૌધરીએ 6 જૂન, 2013ના રોજ મહેસાણાના મેઉ ગામના નરેન્દ્ર ચૌધરી સાથે લગ્ન કર્યા હતા. ઉષાએ નરેન્દ્ર સામે સગાઇ વખતે જ સરત મુકી હતી કે, સાસરિયાવાળા લગ્ન પહેલા જ ઘરે ટોઈલેટ બનાવવી આપશે. પરંતુ જ્યારે લગ્ન કરીને ઉષા પોતાના સાસરિયે ગઇ અને ત્યાં ટોઈલેટ ન જોતા તે ચોકી ઉઠી હતી. એક વર્ષથી ટોઈલેટને લઇને નાના-મોટા ઝઘડા ચલતા હતા. પરંતુ ટોઈલેટ બનાવવામાં ન આવતા અંતે ઉષાએ પતિનું ઘર છોડ્યું અને પોતાના માતા-પિતાના ઘરે આવી ગઇ હતી.પતિનું ઘર છોડીને ઉષા ગાંધીનગરમાં ભાડે ઘર લઇને રહેવા લાગી હતીઉષાનું કહેવું છેકે, લગ્ન બાદ તેને કામ કરવા પર પણ પ્રતિબંધ મૂકવામાં આવ્યો હતો. જેનાથી કંટાળીને ઉષાએ પોતાના સાસુ-સસરા વિરુદ્ધ લાંઘણજ પોલીસ સ્ટેશનમાં દહેજની માંગણીની ફરિયાદ નોંધાવી હતી. પતિનું ઘર છોડીને ઉષા ગાંધીનગરમાં ભાડે ઘર લઇને રહેવા લાગી હતી. અને ઉષાએ વળતર પેટે પોતાના પતિ પાસે મહિને 10000 રૂપિયા માગ્યા હતા. જોકે પતિ નરેન્દ્રએ તેની વાતને નકારી દીધી અને તેની સામે ફરિયાદ કરી લે તેની પત્નીને વૈભવી લાઈફસ્ટાઈલની આદત છે તેની સાથે સાસરિયે રહેવા તૈયાર નથી. જોકે અંતે ગાંધીનગર કોર્ટે બંન્ને પક્ષની વાતો સાંભળ્યા બાદ આદેશ કર્યો છેકે, પતિએ પત્નીને દર મહિને 6000 રૂપિયા વળતર આપવું પડશે.