દેશમાં કોરોનાની ગતિ બેકાબૂ, કેસનો આંકડો 21 હજારને પાર, 45 દર્દીઓએ ગુમાવ્યો જીવ

Published By : B.K.NEWS DAINIK
Published Date : 2022-07-21 11:04:19
Views : 313
Modified Date : 2022-07-21 11:04:19

ભારતમાં કોરોના વાયરસના કેસોમાં સતત વધારો થઈ રહ્યો છે. દેશમાં છેલ્લા 24 કલાકમાં 21,566 નવા કેસ સામે આવતા ચિંતાજનક સ્થિતિ બની છે. આ તરફ 18,294 લોકો કોરોનાની સારવાર દરમ્યાન સાજા થઈ ગયા છે. તો આજે કોરોનાને કારણે 45 લોકોના મોત થયા છે. આ તરફ હવે કોરોના સંક્રમણ અટકાવવા આરોગ્ય તંત્ર દ્વારા સાવચેતીના પગલાં ભરાઈ રહ્યા છે.

ભારતમાં કોરોના કેસોમાં સતત વધારો

ભારતમાં કોરોના સંક્રમણ ઝડપથી ફેલાઈ રહ્યું હોઇ તેને રોકવું ખૂબ જ જરૂરી બન્યું છે. દેશમાં છેલ્લા 24 કલાકમાં કોરોના વાયરસનો આંકડો 21 હજારથી પણ વધુ પહોંચી જતાં ચિંતાજનક સ્થિતિ બની છે. આ તરફ હવે હાલ દેશમાં સક્રિય કેસનો આંકડો પણ 1,48,881 પહોંચ્યો છે. તો સામે દૈનિક હકારાત્મકતા દર 4.25%એ પહોંચ્યો છે.

24 કલાકમાં 21,566 કેસથી હડકંપ

દેશમાં છેલ્લા 24 કલાકમાં 21,566 નવા કેસ સામે આવતા હડકંપ મચી ગયો છે. જોકે કોરોનાની સારવાર દરમ્યાન 18,294 લોકો સાજા થઈ ગયા છે. આ તરફ આજે કોરોનાને કારણે 45 લોકોના મોત થયા છે.