રાજ્યના અન્ય ત્રણ જિલ્લામાં નવી મેડિકલ કોલેજ શરૂ કરવા માટે કેન્દ્ર સરકારની મંજૂરી

Published By : B.K.NEWS DAINIK
Published Date : 2020-02-20 17:32:39
Views : 474
Modified Date : 2020-02-20 17:32:39

રાજ્યના નર્મદા, નવસારી અને પોરબંદર જિલ્લામાં નવી મેડિકલ કોલેજ શરૂ કરવા માટે કેન્દ્ર સરકારે મંજૂરી આપી દીધી છે.જેમાં નાયબ મુખ્યમંત્રી નીતિન પટેલે જણાવ્યું હતું કે પ્રત્યેક મેડિકલ કોલેજ દીઠ ૩૨૫ કરોડના ખર્ચ સાથે હયાત હોસ્પિટલોનું અપગ્રેડેશન કરાશે અને મેડિકલ કોલેજ સ્થાપવામાં આવશે. જેમાંથી નવસારી અને પોરબંદરમાં હાલની હોસ્પિટલો ખાતે પૂરતી જગ્યા હોવાથી બન્ને કોલેજ આગામી શૈક્ષણિક વર્ષથી જ શરૂ ખાય તેવું આયોજન છે. જ્યારે નર્મદા જિલ્લાના રાજપીપળામાં પણ ત્રીજી કોલેજ ઝડપથી શરૂ કરવા પ્રયાસ કરાશે. જેમાં પ્રથમ વર્ષે ૧૦૦ બેઠક પર પ્રવેશ મળશે.આમ આ પ્રસંગે આરોગ્ય વિભાગના પણ મંત્રી એવા નીતિનભાઇએ જણાવ્યું હતું કે ૩ કોલેજ માટે કેન્દ્ર સરકારના ૫૮૫ કરોડ અને રાજ્ય સરકારના ૩૯૦ કરોડ મળી કુલ ૯૭૫ કરોડનો ખર્ચ કરાશે. તે સાથે જિલ્લાની હયાત હોસ્પિટલોને મેડિકલ કાઉન્સિલ ઓફ ઇન્ડિયાના નોર્મ્સ મુજબ પ્રથમ તબક્કે ૩૦૦ બેડની હોસ્પિટલ ઉપલબ્ધ થશે. તેના કારણે દર્દીઓને આધુનિક સારવાર મળતી થશે. કેન્દ્ર સરકારના આરોગ્ય મંત્રાલય દ્વારા દેશના ૭૫ જિલ્લામાં કે જ્યાં મેડિકલ કોલેજ નથી તે માટે દરખાસ્તો મગાવાઇ હતી તેમાં ગુજરાતના પાંચ જિલ્લાની પસંદગી થઇ છે. તે પૈકી રાજ્યના નર્મદા, નવસારી અને પોરબંદર ખાતે નવી મેડિકલ કોલેજ સ્થાપવા માટે રાજ્ય સરકારની દરખાસ્તને કેન્દ્ર સરકારે મંજૂરી આપી દીધી છે. ૩ કોલેજની મંજૂરી બાદ અન્ય કોલેજની દરખાસ્ત વિચારણા હેઠળ છે જેને તબક્કાવાર મંજૂરી મળશે.આમ નર્મદા જિલ્લાના રાજપીપળા ખાતે નવી મેડિકલ કોલેજ થતાં આદિવાસી નાગરિકો તથા સ્ટેચ્યૂ ઓફ યુનિટી ખાતે આવતાં લાખો પ્રવાસીઓને જરૂરિયાત સમયે ત્વરિત સારવાર મળી રહેશે. તેમણે વધુમાં જણાવ્યું હતું કે, રાજ્યમાં નિર્માણ થનાર આ કોલેજમાં કોલેજ દીઠ ૩૨૫ કરોડનો ખર્ચ થશે. જેમાં હયાત હોસ્પિટલોનું અપગ્રેડેશન કરીને ખૂટતા સાધનો તથા MCIના ધારાધોરણ મુજબની સગવડો ઉપલબ્ધ કરાવીને પ્રથમ તબક્કે ૩૦૦ બેડની અને કોલેજ પૂર્ણ થતાં ૫૦૦ બેડની સુવિધાવાળી હોસ્પિટલોનું પણ નિર્માણ થશે.