રાહત : ફરી ઘટયા કોરોનાનાં કેસ, 16 હજારે આવી ગયો આંકડો, પણ મોતની સંખ્યા હજુ વધારે

Published By : B.K.NEWS DAINIK
Published Date : 2022-07-18 12:20:56
Views : 287
Modified Date : 2022-07-18 12:20:56

ભારતમાં કોરોના કેસોમાં સતત વધારા વચ્ચે રાહતના સમાચાર સામે આવ્યા છે. આજે કોરોના કેસોમાં આંશિક ઘટાડો થતાં થોડીક રાહત મળી છે. વિગતો મુજબ આજે દેશમાં છેલ્લા 24 કલાકમાં કોરોનાના 16, 935 કેસ સામે આવ્યા છે. આ સાથે 16, 069 લોકો કોરોના સામે જંગ જીતી સાજા થયા છે. આ સાથે દેશમાં કોરોના વાયરસને કારણે 51 લોકોના મોત થયા છે.

ભારતમાં કોરોના કેસમાં નોંધપાત્ર ઘટાડો મળ્યો છે. દેશમાં છેલ્લા 24 કલાકમાં 16,935 કેસ નોંધાયા તો સામે 51 દર્દીઓનાં મોત થયા છે. આ તરફ હવે દેશમાં સક્રિય કેસોનો આંકડો 1,44,264એ પહોંચ્યો છે. દેશમાં દૈનિક હકારાત્મકતા દર 6.48% નોંધાયો છે.

ગઇકાલે દેશમાં 20 હજારથી વધુ કેસ નોંધાયા હતા

ભારતમાં ગઇકાલે 24 કલાકમાં દેશમાં કોરોનાના 20 હજાર 528 કેસ નોંધાયા હતા, જે શનિવારની સરખામણીએ 2.4% વધુ હતા. આ સાથે કોવિડને કારણે 49 લોકોએ જીવ ગુમાવ્યા હતા. આ તરફ આજે સોમવારે કોરોના કેસોમાં આજે થોડીક રાહત મળી છે. કોરોના કેસોમાં સતત વધારાને લઈ ચિતજનક સ્થિતિ બની હતી. જોકે આજે કોરોના કેસોમાં નોંધપાત્ર ઘટાડો થયો છે.