કાલે પડેલા વરસાદના પગલે કપાસ સહિતના પાકને નુકસાન,

Published By : B.K.NEWS DAINIK
Published Date : 2020-10-19 12:11:55
Views : 326
Modified Date : 2020-10-19 12:11:55

ગઈકાલે પડધરી તાલુકામાં 3.5થી 4 ઇંચ જેટલો વરસાદ પડ્યો છે. જેથી કપાસ, મગફળી સહિતના પાકને નુકસાન થયું છે.ગોંડલ પંથકમાં એક તરફ મગફળીની સિઝન ચાલી રહી છે અને બીજી તરફ વરસાદ મુશ્કેલીમાં વધારો કરી રહ્યો છે.ચાસવડ- બાયફના કૃષિ વિજ્ઞાની મહેન્દ્ર પટેલે જણાવ્યું હતું કે, ઓછો પરિપક્વ અને નબળો કપાસ હશે તેવા કપાસનું ભિમરું ખરી પડવાનો ભય વધુ છે. પરિપક્વ થઈ ગયેલા કપાસને નુકસાન ઓછું. જ્યારે જે કપાસના ઝીંડવા ફૂટી ગયા હશે તે ભેજના સંગ્રહને કારણે કપાસ બગડી શકે. પણ ફરી જરૂરી માત્રમાં સૂર્યપ્રકાશ મળતો રહેશે તો નુકસાન ઓછું થશે.રાજકોટ સહિત સૌરાષ્ટ્રભરમાં ગઈકાલે ધોધમાર વરસાદ પડતા કપાસ અને મગફળી સહિતના પાકોને નુકસાન થયું છે. આ સાથે જ ખેતરમાં પડેલા મગફળીના પાથરા પણ પલળી ગયા છે. જેને લઈને ખેડૂતોને નુકસાની ભોગવવાનો વારો આવ્યો છે. પડધરી તાલુકામાં ગઈકાલે 4 ઈંચ જેટલો વરસાદ પડ્યો હતો. જેને લઈને ખેડૂતોને મોટું નુકસાન થયું છે. જો કે આજે પણ વરસાદની આગાહી વ્યક્ત કરવામાં આવી છે.