ફાઈઝરની વેક્સિન લેનારને અપેક્ષા કરતાં એલર્જી વધારે જોવા મળી, ડોક્ટરોએ વ્યક્ત કરી ચિંતા.

Published By : B.K.NEWS DAINIK
Published Date : 2020-12-25 14:54:34
Views : 435
Modified Date : 2020-12-25 14:54:34

કોરોના મહામારી દરમિયાન અમેરિકામાં ફાઈઝર કંપનીએ બનાવેલી વેક્સિનને ઉતાવળમાં મંજૂરી આપી દીધી છે. જોકે હાલ ફાઈઝરની વેક્સિન એક ખરાબ ન્યૂઝ લઈને આવી હોય એવું લાગે છે. આ વેક્સિન લેનાર લોકોને એલર્જીની સમસ્યા અપેક્ષા કરતાં વધારે જોવા મળી રહી છે. અમેરિકામાં 30 કરોડ લોકો સુધી કોરોના વેક્સિન પહોંચાડવાના અભિયાન 'ઓપરેશન વોર્પ સ્પીડ'ના ચીફ સાઈન્ટિફિક એડ્વાઈઝર ડોક્ટર મોન્સેફે આ માહિતી આપી છે.ડોક્ટર મોન્સેફે જણાવ્યું કે, ફાઈઝર-બાયોનટેકની બનાવવામાં આવેલી કોરોના વેક્સીનથી લોકોમાં એલર્જીની સમસ્યા વધારે જોવા મળી રહી છે. આ વેક્સિનથી કુલ 8 લોકોમાં એલર્જીની સમસ્યા નોંધવામાં આવી છે. તેમાંથી છ અમેરિકાના છે અને બે યુકેના.

આ નિવેદન એવા સમયે સામે આવ્યું છે જ્યારે એક દિવસ પહેલાં જ અમેરિકાએ ફાઈઝર સાથે કોરોના વેક્સિનની 10 કરોડની ડિલ કરી છે. તેમણે એવું પણ જણાવ્યું છે કે, નેશનલ ઈન્સ્ટિટ્યૂટ ઓફ હેલ્થ વેક્સિન નિર્માતાઓ સાથે ચર્ચા-વિચારણાં કરી રહ્યા હતા કે તેઓ મહત્તમ એલર્જિક લોકોમાં ટ્રાયલ કરવાનું વિચારે, ખાસ કરીને એપિ-પેન-એન્ટી એલર્જિક દવા લેનાર લોકોને.યુકેમાં મેડિસિન એન્ડ હેલ્થકેર પ્રોડક્ટ્સ રેગ્યુલેટરી એજન્સી (MHRA)એ પહેલાં જ એડ્વાઈઝરી જાહેર કરીને લોકોને કહ્યું છે કે, જે લોકોને વધારે એલર્જીની સમસ્યા હોય તેઓ ફાઈઝર-બાયોનટેક વેક્સીન ન લે. અમેરિકાની FDAએ પણ આ એડ્વાઈઝરી જાહેર કરી છે.