કરિના કપૂરના સિમ્પલ દેખાતા આ નેકલેસની કિંમત જાણીને આંખો પહોળી થઇ જશે

Published By : B.K.NEWS DAINIK
Published Date : 2019-09-28 13:14:41
Views : 483
Modified Date : 2019-09-28 13:14:41

બોલિવુડ એક્ટ્રેસ કરિના કપૂર ખાન, ઇન્ડસ્ટ્રીની સૌથી મોટી ફેશનિસ્તાનમાંથી એક છે, તે ઘણી વખત પોતાના ફેન્સ, ફૉલોઅર્સની સાથે સાથે કૉ-સ્ટાર્સને પણ ફેશન ગોલ્સ આપતી રહે છે. પછી તે કરિનાના એરપોર્ટ લૂક હોય કે પછી જિમ લૂક કે રેડ કાર્પેટ લૂક, તે હંમેશા પોતાના કપડાના સિલેક્શનને લઇને ચર્ચામાં રહે છે, પરંતુ આ વખતે 'બેબો' પોતાના ડ્રેસ નહી પરંતુ તેના ચોકર 'નેકપીસ' ને લઇને ચર્ચામાં છે.

કરિના કપૂર ખાન હાલમાં ડાન્સ રિયાલિટી શો ડાન્સ ઇન્ડિયા ડાન્સ જજ કરી રહી છે, જેમાં તે લૂક્સ સાથે એક્પરિમેન્ટ કરતી જોવા મળે છે. આ દરમિયાન એક એપિસોડમાં કરિના પાઉડર પિંક કલરના ઑફ શોલ્ડર ડિઝાઇન અને ડ્રામેટિક સ્લીવ્સની સાથે એકદમ સેક્સી ગાઉનમાં જોવા મળી હતી. જે કુવૈતી ડિઝાઇનરે યૂસુફ અલ ઝાસમીએ ડિઝાઇન કર્યુ હતુ. જોકે કરિના પોતાના ગાઉનના કારણે નહી પરંતુ નેકલેસને લઇને ચર્ચામાં છે અને તેની પાછળનું કારણે તેની કિંમત, કરિનાએ આ સર્પેન્ટાઇલ કોઇલ ડિઝાઇનવાળો 18 કેરેટનો યલો ગોલ્ડ અને ડાયમંડથી બનેલો Bulgari બ્રાન્ડનો નેકલેસ પહેર્યો હતો જેની કિંમત 38.50 લાખ રૂપિયાનો છે.આટલી કિંમતમાં તમે 2BHK ઘર પણ ખરીદી શકો છો. કરિના મોંઘા અને ડિઝાઇનર કપડાની સાથે સાથે લક્ઝ્યૂરિયસ એસેસરીઝનો પણ શોખ ધરાવે છે. વર્કફ્રન્ટની વાત કરીએ તો કરિના કપૂર અક્ષય કુમારની સાથે 'ગુડ ન્યૂઝ' રિલીઝ થવાની છે. આ ઉપરાંત કરિના કરણ જોહરની ફિલ્મ 'તખ્ત' તૈયારી કરી રહી છે. આ ફિલ્મમાં તેની સાથે રણવીર સિંહ, આલિયા ભટ્ટ, વિકી કૌશલ, જાહ્નવી કપૂર અને અનિલ કપૂર જોવા મળશે. આ ઉપરાંત કરિના ઇરફાન ખાનની ફિલ્મ ‘અંગ્રેજી મીડિયમ’માં પણ જોવા મળશે.