નવજાત બાળકીના શરીર પર હતા છરીના ઘાના 20 નિશાન, મળી ત્યારે શ્વાસ લઇ શકતી નહોતી, હાલ સ્થિતિ સુધારા પર

Published By : B.K.NEWS DAINIK
Published Date : 2020-02-27 14:33:33
Views : 411
Modified Date : 2020-02-27 14:33:33

રાજકોટના મહિકા અને ઠેબચડા ગામની વચ્ચે સીમમાંથી તાજી જન્મેલી બાળકી ગઇકાલે મળી આવી હતી. બાળકીને કૂતરૂ મોમા પકડીને જતું હતું તે અરસામાં વીસેક યુવકો ક્રિકેટ રમીને જઇ રહ્યા હતા ત્યારે બાળકીનો રડવાનો અવાજ સંભળાયો હતો અને નજર દોડાવી તો એક કૂતરું બાળકીને મોંમાં લઇને જઇ રહ્યું હતું. યુવકોએ પળનો પણ વિલંબ કર્યા વગર પથ્થરમારો કરતાં બાળકીને છોડીને કૂતરું નાસી ગયું હતું. વિપુલ રૈયાણી નામના યુવકે ફોન કરતાં 108 દોડી ગઇ હતી અને બાળકીને તાકીદે રાજકોટ કે.ટી.ચિલ્ડ્રન હોસ્પિટલમાં ખસેડી હતી. બાળકીના શરીર પર છરીના ઘાના 20 નિશાન જોવા મળ્યા હતા. જો કે,મળી ત્યારે શ્વાસ પણ લઇ શકતી નહોતી. હાલ બાળકીની સ્થિતિ સુધારા પર છે. 108ની ટીમના તબીબ દિવ્યા બારડે જણાવ્યું કે, બાળકીના પીઠના ભાગે છરીના ઘાના નિશાન જોવા મળ્યા હતા. 108 એમ્બ્યુલન્સ દ્વારા બાળકીને સિવિલ હોસ્પિટલ ખસેડવામાં આવી હતી. હાલ બાળકીની સ્થિતિ સુધારા પર છે. બાળકી જ્યારે મળી ત્યારે શ્વાસ પણ લઇ શકતી નહોતી. અને તેના શરીર પર ધૂળ જોવા મળી હતી. કોઇ જનેતાએ પોતાનું પાપ છૂપાવવા માટે બાળકીને જન્મ આપી બીજા જ દિવસે નિર્જન સ્થળે છોડી દીધાનું સ્પષ્ટ થયું હતું. બાળકીના પેટના ભાગે જે ઇજા દેખાતી હતી તે કોઇ ખાડામાં પડ્યા રહેવાથી થયાનું સ્પષ્ટ હતું. પરંતુ તબીબોએ બાળકીને તપાસતાં જ તબીબો ચોંકી ઊઠ્યા હતા. બાળકીને બગલ અને પીઠના ભાગે જે ઇજાના નિશાનો હતા તે તીક્ષ્ણ હથિયારના હતાં. પીડિયાટ્રિક સર્જન જયદીપ ગણાત્રાએ જણાવ્યું હતું કે, બાળકીને તીક્ષ્ણ હથિયારના 15થી 20 ઘા ઝીંકવામાં આવ્યા છે અને તેની સારવાર ચાલુ છે.