ભાજપ-કોંગ્રેસના ઉમેદવાર અલ્પેશ અને રઘુ દેસાઇને સૌથી મોટો ઝાટકો, મતદાન કરી શકશે નહીં, જાણો કારણ

Published By : B.K.NEWS DAINIK
Published Date : 2019-10-21 14:50:26
Views : 628
Modified Date : 2019-10-21 14:50:26

ગુજરાત વિધાનસભાની પેટાચૂંટણીઓનું મતદાન શરૂ થઇ ગયું છે. ત્યારે રાજ્યના મતદારો પોતાના મતાધિકારનો ઉપયોગ કરીને પોતાના વિસ્તારમાં પોતાના પસંદગીના ઉમેદવારને વોટ આપશે. ત્યારે એક મોટા સમાચાર મળી રહ્યા છે. રાધનપુર બેઠકના ભાજપ અને કોંગ્રેસના બન્ને ઉમેદવારો પોતાનો મત જ આપી શકશે નહીં, કારણ કે બન્ને ઉમેદવારો આયાતી છે, જેના કારણે તેમનો મત વિસ્તાર અલગ છે. રાધનપુર મત વિસ્તારમાં તેમના નામ ન હોવાના કારણે તેઓ મતથી વંચિત રહેશે.રાધનપુરમાં ભાજપ – કોંગ્રેસના ઉમેદવાર મતદાન કરી શકશે નહીં. જો રાધનપુરના ભાજપના ઉમેદવાર અલ્પેશની વાત કરીએ તો તેનો મત વિસ્તાર વિરમગામ છે, અને કોંગ્રેસના ઉમેદવાર રઘુ દેસાઇની વાત કરીએ તો તેમનો મત વિસ્તાર ઘાટલોડિયા છે. જેના કારણે બન્ને આયાતી ઉમેદવારો થવાના કારણે રાધનપુરમાં ભાજપ અને કોંગ્રેસના બન્ને ઉમેદવારો મત આપી શકશે નહીંરાધનપુર બેઠક પર થી ભાજપમાંથી અલ્પેશ ઠાકોર અને કૉંગ્રેસમાંથી રઘુ દેસાઇ વચ્ચે સીધો જંગ ચાલી રહ્યો છે. જેમાં બન્ને ઉમેદવારો અમદાવાદના રહેવાસી છે અને રાધનપુર બેઠક પર ચૂંટણી માટે ઝંપલાવ્યુ છે..કૉંગ્રેસ છોડી ભાજપમાં ગયેલા અને હાલ રાધનપુર બેઠક પરથી ભાજપના ઉમેદવાર અલ્પેશ ઠાકોર વિરમગામ વિધાનસભા બેઠકના એડલા ગામના મતદારો છે. તો બીજી તરફ કૉંગ્રેસના ઉમેદવાર રઘુ દેસાઇ અમદાવાદ શહેરની ઘાટલોડિયા વિધાનસભા બેઠકના મતદાર છે.