હૈદરાબાદ રેપ કેસનો પડઘો સંસદમાં પડ્યો, જયા બચ્ચને કહ્યું જાહેરમાં આપો સજા

Published By : B.K.NEWS DAINIK
Published Date : 2019-12-02 14:44:58
Views : 455
Modified Date : 2019-12-02 14:44:58

હૈદરાબાદમાં વેટનરી ડૉક્ટરની સાથે ગેંગરેપ અને હત્યાનો મુદ્દો સંસદમાં પણ ગૂંજ્યો. શિયાળુ સત્રનાં સોમવારનાં લોકસભામાં આ મુદ્દો ઉઠાવવામાં આવ્યો. સાથે જ રાજ્યસભામાં પણ આ મુદ્દો ગુંજ્યો. લોકસભામાં સ્પીકર ઓમ બિરલાએ કહ્યું કે, “દેશમાં જે ઘટનાઓ થઈ રહી છે, તેના પર સંસદ પણ ચિંતિત છે. મે પ્રશ્ન કાળ બાદ આના પર ચર્ચાની પરવાનગી આપી છે.” તો રાજ્યસભામાં જયા બચ્ચને દુષ્કર્મનાં આરોપીઓને સાર્વજનિક સજા આપવાની વાત કરી છે.સમાજવાદી પાર્ટીની રાજ્યસભા સાંસદ જયા બચ્ચને કહ્યું કે, “મને લાગે છે કે આ સમય છે જ્યારે લોકો ઇચ્છે છે કે સરકાર યોગ્ય અને નિશ્ચિત જવાબ આપે.” તેમણે કહ્યું કે, “આ પ્રકારનાં લોકો (બળાત્કારીઓ)ને સાર્વજનિક રીતે સજા આપવાની જરૂર છે. આ પહેલા રાજ્યસભામાં સભાપતિ વેંકૈયા નાયડૂએ કહ્યું કે, “હૈદરાબાદમાં જે થયું તે આપણા સમાજ અને મૂલ્ય પ્રમાણી માટે અપમાનજનક છે. આપણે જોવું જોઇએ કે આવી ચીજો કેમ થઈ રહી છે અને આપણે ઉપાયોની શોધ કરવી જોઇએ. હું ઇચ્છુ છું કે તમામ પોતાના મંતવ્યો આપે.”ફક્ત કાયદો બનાવવાથી હલ નહીં થાય – ગુલામ નબી આઝાદસદનમાં કૉંગ્રેસ સહિત ઘણા દળોએ આ મુદ્દો ઉઠાવ્યો. કૉંગ્રેસ નેતા ગુલામ નબી આઝાદે કહ્યું કે, “કોઈપણ સરકાર અથવા નેતા નહીં ઇચ્છે કે આવી ઘટના તેમના રાજ્યમાં ઘટે. આ સમસ્યા ફક્ત કાયદો બનાવવાથી હલ નહીં થાય. આવી ઘટનાઓને અટકાવવા માટે, આવા અપરાધોની વિરુદ્ધ એક સાથે ઉભા રહેવાની જરૂર છે.”ન્યાયમોડો આપવો એનો મતલાબ ન્યાય ના આપવો થાયની રાજ્યસભા સાંસદ વિજિલા સત્યનાથે કહ્યું કે, “દેશ બાળકો અને મહિલાઓ માટે સુરક્ષિત નથી. આ અરાધને અંજામ આપનારા લોકોને 31 ડિસેમ્બર પહેલા મોતની સજા આપવી જોઇએ. ફાસ્ટ ટ્રેક કૉર્ટની સ્થાપના કરવી જોઇએ. ન્યાય મોડો આપવો એનો મતલબ ન્યાય ના આપવો થાય છે.”કૉંગ્રેસનાં જ રાજ્યસભા સાંસદ અમી યાજનિકે કહ્યું કે, “હું જ્યૂડિશરી, સરકાર, કાર્યપાલિકા અને અન્ય સિસ્ટમને અપીલ કરું છું કે તેઓ સામાજિક પરિવર્તન માટે આગળ આવે. આ તાત્કાલિક પ્રભાવથી થવું જોઇએ.”