પાલનપુર પોલીસ હેડ ક્વાર્ટર ખાતે સ્વાતંત્ર્ય પર્વની ઉજવણી કરાશે

Published By : B.K.NEWS DAINIK
Published Date : 2020-08-06 11:59:26
Views : 478
Modified Date : 2020-08-06 11:59:26

આગામી 15મી ઓગષ્‍ટના રોજ પાલનપુર પોલીસ હેડક્વાર્ટર ખાતે જિલ્‍લા કક્ષાના સ્વાતંત્ર્ય પર્વની ઉજવણી કરવામાં આવશે. ઉજવણીની તૈયારીઓના ભાગરૂપે પાલનપુરમાં કલેકટર સંદીપ સાંગલેના અધ્યક્ષસ્થાને બુધવારે બેઠક યોજાઇ હતી. જેમાં સ્થળ પસંદગી, ધ્વજવંદન સ્થળે સેનેટાઇઝેશન, સફાઇ પરેડ ગ્રાઉન્ડ પર પાણીનો છંટકાવ, બેઠક વ્યવસ્થા સહિતની ચર્ચા કરાઈ હતી. કોવિડ-19 મહામારીમાં સેવા આપી રહેલા આરોગ્ય કર્મીઓ, ર્ડાકટર, નર્સ, પોલીસ, સફાઇ કર્મીઓ, કર્મચારીઓ સહિત કોરોના વોરીયર્સ તરીકે વિશિષ્‍ટ કામીગીરી કરી હોય તેવા વ્યક્તિઓનું શાલ અને સર્ટિફિકેટ આપી સન્‍માન સહિતના મુદ્દાઓની ચર્ચા કરવામાં આવી હતી.સમગ્ર કાર્યક્રમનું સંકલન નિવાસી અધિક કલેકટર એ.ટી.પટેલ કરી રહ્યા છે. બેઠકમાં જિલ્લા વિકાસ અધિકારી અજય દહીયા, નિવાસી અધિક કલેકટર એ.ટી.પટેલ, જિલ્લા ગ્રામ વિકાસ એજન્સીના નિયામક આર.વી.વાળા, નાયબ પોલીસ અધિક્ષક આર.કે.પટેલ, પ્રાન્‍ત અધિકારીઓ સહિત વિવિધ કચેરીઓના અધિકારીઓ ઉપસ્થિત રહ્યાં હતાં.