મહારાષ્ટ્રમાં હનુમાન ચાલીસા પર હોબાળો:સાંસદ નવનીત રાણા અને તેના ધારાસભ્ય પતિની ધરપકડ, રાત પોલીસ સ્ટેશનમાં જ પસાર થઈ, આજે કોર્ટમાં હાજર કરાશે

Published By : B.K.NEWS DAINIK
Published Date : 2022-04-24 11:18:35
Views : 255
Modified Date : 2022-04-24 11:21:00

મહારાષ્ટ્રમાં હનુમાન ચાલીસા અને લાઉડસ્પીકર મામલે ગઈકાલે દિવસભર હોબાળો થયો હતો. અમરાવતીના અપક્ષ સાંસદ નવનીત રાણા અને તેમના ધારાસભ્ય પતિ રવિ રાણાની પોલીસે ધરપકડ કરી હતી. બંને પર પોતાના નિવેદનો દ્વારા ધર્મ, જાતિના આધારે નફરત ફેલાવવાનો આરોપ છે. બંનેને આજે કોર્ટમાં રજૂ કરવામાં આવશે.

આ તરફ, શિવસેનાના કાર્યકરોએ બીજેપી નેતા કિરીટ સોમૈયાની કાર પર પથ્થરમારો કર્યો, જેઓ મોડી રાત્રે બંનેને મળવા ખાર પોલીસ સ્ટેશન પહોંચ્યા હતા. પોલીસ સ્ટેશનમાંથી નીકળતી વખતે શિવસેનાના કાર્યકરોએ તેમની કાર પર પથ્થરો, બોટલો ફેંકાને હુમલો કર્યો હતો. હુમલામાં સોમૈયાની કારના કાચ તૂટી ગયા હતા અને તેમના ચહેરા પર ઈજાના કારણે લોહી નીકળ્યું હતું. સોમૈયાએ આક્ષેપ કર્યો હતો તેમના પર જીવલેણ હુમલો થયો હોવા છતાં, એક નાની ઘટના માટે FIR નોંધવામાં આવી છે.

સોમૈયાએ કહ્યું- પોલીસની સામે જ થયો હુમલો
કિરીટ સોમૈયાએ દાવો કર્યો છે કે આ હુમલામાં તેઓ ઈજાગ્રસ્તથયા છે અને તેઓ બાંદ્રા પોલીસ સ્ટેશનમાં ફરિયાદ કરાવવા જઈ રહ્યાં છે. કિરીટે કહ્યું- 'CM ઉદ્ધવ ઠાકરેના ગુંડાઓએ પોલીસને ખાર પોલીસ સ્ટેશન પર એકઠાં થવા દીધા. હું બહાર નીકળ્યો ત્યારે આ ગુંડાઓએ પથ્થરમારો કર્યો. કારના કાચ તૂટી ગયા જે મને વાગ્યા હતા. પોલીસની દેખરેખ હેઠળ જ આ હુમલો થયો છે.'

કિરીટે વધુમાં કહ્યું કે- આ ત્રીજી વખતે છે જ્યારે ઉદ્ધવ ઠાકરેના ગુંડાઓએ મને મારવાનો પ્રયાસ કર્યો છે. પહેલી વખત વાશિમમાં બીજી વખત પુણેમાં અને ત્રીજી વખત ખાર પોલીસ સ્ટેશનની સામે.

BJP નેતા મોહિત કંબોજની કાર પર હુમલો
મોડી રાત્રે ભાજપના નેતા મોહિત કંબોજના વાહન પર શિવસૈનિકોએ હુમલો કર્યો હતો. આ હુમલો બાંદ્રાના કલાનગર સિગ્નલ પર 'માતોશ્રી' પાસે રાત્રે 9.15 થી 9.30 વાગ્યાની આસપાસ થયો હતો. હુમલા બાદ શિવસેનાના સાંસદ વિનાયક રાઉત અને વરુણ સરદેસાઈએ કહ્યું કે મોહિત કંબોજ કારમાંથી કેમ નીચે ઉતર્યા? તે એટલા માટે નીચે ઉતર્યા કારણ કે તેમને માતોશ્રી અને કલાનગરની રેકી કરવાની હતી. તેઓ ત્યાં ફોટા પાડી રહ્યા હતા.

પીએમનું નામ લઈને હનુમાન ચાલીસાના પાઠ કરવાનો નિર્ણય બદલ્યો
શનિવારે દિવસભરના હોબાળા બાદ બડનેર સીટના અપક્ષ ધારાસભ્ય રવિ રાણાએ એક નિવેદન જારી કરીને કહ્યું કે વડાપ્રધાન મોદી આવતીકાલે મુંબઈ આવી રહ્યા છે અને અમે તેમના કાર્યક્રમમાં કોઈપણ પ્રકારની મુશ્કેલી ઊભી કરવા માંગતા નથી, તેથી માતોશ્રી પર જાઓ અને 'હનુમાન ચાલીસા'ના પાઠ કરવાનો નિર્ણય પાછો ખેંચીએ છીએ.

પોલીસે રાણા દંપતી સામે ગુનો નોંધી ધરપકડ કરી હતી
રાણા દંપતી પર મુંબઈના ખાર પોલીસ સ્ટેશનમાં આઈપીસી કલમ 153A (ધર્મ, જાતિ અથવા ભાષાના આધારે બે જૂથો વચ્ચે દુશ્મનાવટને પ્રોત્સાહન આપવા માટે) હેઠળ કેસ નોંધવામાં આવ્યો છે. તેમની ધરપકડ કરવામાં આવી છે અને બંનેને રવિવારે બાંદ્રા કોર્ટમાં રજૂ કરવામાં આવશે. નવનીત રાણા અને રવિ રાણાની મુંબઈ પોલીસે ધરપકડ કરી છે અને કલમ 149 હેઠળ નોટિસ પણ આપવામાં આવી છે. દિવસભરના હોબાળા બાદ પોલીસે મોડી સાંજે રાણા દંપતીની ધરપકડ કરી હતી.

રાણાએ શિવસૈનિકો સામે પણ ફરિયાદ નોંધાવી હતી
રાણા દંપતી તરફથી શિવસૈનિકો સામે પણ ફરિયાદ દાખલ કરવામાં આવી છે. આરોપ છે કે એક રણનીતિ તરીકે શિવસૈનિકોને તેમના ઘરે મોકલવામાં આવ્યા હતા અને તોડફોડ કરી હતી. તેમણે કહ્યું- અમારી વિરુદ્ધ નારેબાજી કરવામાં આવી હતી, સાથે જ જીવથી મારી નાખવાની વાત પણ કરવામાં આવી હતી.

દેવેન્દ્ર ફડણવીસે કહ્યું- મહારાષ્ટ્રમાં કાયદા વ્યવસ્થાનું પતન
પૂર્વ CM દેવેન્દ્ર ફડણવીસે કહ્યું- આ મુંબઈ અને મહારાષ્ટ્રમાં કાયદા-વ્યવસ્થાની સ્થિતિનું સૌથી મોટું પતન છે. ખાર પોલીસ સ્ટેશનની સામે પોલીસવાળાઓની હાજરીમાં ગુંડાઓએ ભાજપના નેતા કિરીટ સોમૈયા પર હુમલો કર્યો. આ એકદમ અયોગ્ય વાત છે. અમે કડક કાર્યવાહીની માગ કરીએ છીએ.

અમૃતા ફડણવીસે ઉદ્ધવ પર પ્રહાર કર્યા
પૂર્વ મુખ્યમંત્રી દેવેન્દ્ર ફડણવીસના પત્ની અમૃતા ફડણવીસે સોમૈયા પર હુમલાને લઈને પ્રતિક્રિયા આપી છે. તેમને ટ્વીટ કરીને મુખ્યમંત્રી ઉદ્ધવ ઠાકરેને 'ઉધ્વસ્ત ઠરકી' કહ્યું છે.

Download Our B K News Today App

Related News

Recent Posts

Environment

Women Special

Tweets by BkNewsToday

Follow Us

About us

Head Office (B.K. News)

Quick Links