ઘર સાફ કરતા કરતા તીજોરી સાફ કરી ઘરઘાટીની ગેંગ ઝડપાઈ- તમામ આરોપી એકજ પરિવારના

Published By : B.K.NEWS DAINIK
Published Date : 2019-09-25 12:40:48
Views : 471
Modified Date : 2019-09-25 12:40:48

લો બોલો! ઘરમાં કામ કરવાને બહાને આવતા ઘરઘાટીનું મુખ્ય કામ તો તક જોઈને લૂંટ ચલાવવાનું જ રહેતું હતુ. આવી એકજ પરિવારના સાત સભ્યોની ગેંગને અમદાવાદ ક્રાઈમ બ્રાન્ચે ઘરેણા, મોબાઈલ સહિત 5 લાખના મુદ્દામાલ સાથે ઝડપી પાડી છે. ઘર સાફ કરતા કરતા તીજોરી સાફ કરી જવાનું કારસ્તાન કરતી આ ગેંગ રાજસ્થાનની છે.

રાજસ્થાનના બાંસવાડાના બડા કોટડા ગામના પરિવારના સાત સભ્યોની છે ગેંગ
ઘરના માલિકને એક ડમી સીમકાર્ડવાળો ફોન નંબર આપતા
પોલીસે દાગીના, મોબાઈલ અને 5 લાખનો મુદ્દામાલ કબજે કર્યોકેવી હતી ગેંગની મોડેસ ઓપરેન્ડી
રાજસ્થાનથી આ પરિવારના લોકો અમદાવાદ અને અન્ય શહેરમાં આવીને ઘરઘાટી તરીકે કામે રહેતા. ઘરના માલિકને એક ડમી સીમકાર્ડવાળો ફોન નંબર આપતા હતા. ચોરી કર્યા બાદ ફરાર થઈ જતા હતા અને નંબર બંધ કરી કાર્ડ ફેંકી દેતા હતાપોલીસે દાગીના, મોબાઈલ અને 5 લાખનો મુદ્દામાલ કબજે કર્યો
પોલીસે તેઓ પાસેથી દાગીના, મોબાઈલ સહિતનો 5 લાખનો મુદામાલ કબજે કર્યો છે. ઉલ્લેખની છે કે અમદાવાદ શહેરમાં હજારોની સંખ્યામાં રાજસ્થાની ઘરઘાટીઓ રાખવામાં આવે છે. ત્યારે ઘટઘાટી રાખનાર ઘરમાલિકો તેમની સંપૂર્ણ વિગતો પોલીસને આપે તે જરૂરી બને છે.

ક્યાંથી પકડાઈ ગેંગ
ક્રાઈમ બ્રાન્ચની ટીમે બાતમીના આધારે નિકોલ શુકન ચોકડી પાસેથી મૂળ રાજસ્થાનના બાંસવાડાના બડા કોટડા ગામના પરિવારના સાત સભ્યોની ધરપકડ કરી છે. આરોપીઓની પૂછપરછ કરતા તેઓ છેલ્લા છ મહીનાથી અમદાવાદમાં અવર જવર કરતા હતાં. શહેરના અલગ અલગ વિસ્તારમાં જઇને ફ્લેટો અને સોસાયટીમાં જે જગ્યાએ ઘરઘાટીની જરૂર હોય ત્યાં નોકરી પર રહેતા હતાં.
કયા કયા વિસ્તારમાં અત્યાર સુધી કરી છે ચોરી
અમદાવાદમાં તેમણે સોલા, ચાંદખેડા તેમજ શાહીબાગ વિસ્તારોમાં આ ગેંગના સભ્યો દ્વારા એક જ રીતથી ચોરી કરવામાં આવી છે. એક જણ કામે રહે પછી બીજા કોઈ કામથી બીજાને બોલાવે અને પછી હાથ ફેરો કરી છુ થઈ જાય.
ખુલ્લા ઝૂપડામાં રહેતા હોવાનું કહીને નહોતા આપતા ઓળખ
આ ઘરઘાટીની ગેંગ મકાનમાલિકોને એકપણ રેસીડેન્સ પ્રુફ નહોતી આપતી. તેઓ કહેતા કે પોતે ખુલ્લા ઝુપડામાં રહે છે જેનું કોઈ સરનામું નથી. પણ એક પછી એક પરિવારના સભ્યો તેમને મળવા આવતા પરિચય કેળવતા અને પછી હાથફેરો કરીને પલાયન થઈ જતા હતા.
ગેંગનો માસ્ટર માઈન્ડ રાજૂ અગાઉ અન્ય રાજ્યોમાં કરી ચૂકયો છે ચોરી
રાજૂ બે વર્ષ સુધી મધ્યપ્રદેશનાં ઇન્દોરમાં ઘરઘાટી તરીકે કામ કરીને ચોરી કરી હતી. જે ગુનામાં તેની ધરપકડ થઇ હતી. અને બે મહીના સુધી ઇન્દોર સેન્ટ્રલ જેલમાં પણ રહી ચુક્યો છે. હાલમાં પોલીસે તમામ આરોપીઓની ધરપકડ કરી છે. આ સાથે તેમણે અન્ય કઇ કઇ જગ્યાએ ચોરી કરી છે તે બાબતે વધુ તપાસ શરૂ કરી છે.
પોલીસે પકડી પાડેલા તમામ આરોપીઓ એક જ પરિવારના છે.
રાજૂ કિર , લોકેશ કિર , જીતુ કિર , શાંતાબેન જીતુ કિર , લલિત કિર , શાંતાબેન લલિત કિર , લતા કિર આ તમામ આરોપીઓની હાલ પોલીસે ધરપકડ કરીને તપાસ હાથ ધરી છે.