ગૌતમ ગંભીરે રાજનીતિમાંથી સંન્યાસ લેવાની કરી જાહેરાત.

Published By : B.K.NEWS DAINIK
Published Date : 2024-03-02 15:23:29
Views : 103
Modified Date : 2024-03-02 15:23:29

પૂર્વ ક્રિકેટર ગૌતમ ગંભીરે રાજકારણમાંથી નિવૃત્તિ લેવાની જાહેરાત કરી છે. તેણે પોતે જ લોકસભાની ચૂંટણી લડવાનો ઈન્કાર કરી દીધો છે, જે બાદ ગૌતમ ટિકિટની રેસમાંથી બહાર થઈ ગયા છે. તેણે ટ્વીટ કરીને આ અંગેની માહિતી આપી છે.ગૌતમ ગંભીરે ટ્વિટ કર્યું, ‘મેં પાર્ટી અધ્યક્ષ જેપી નડ્ડાજીને વિનંતી કરી છે કે તેઓ મને મારી રાજકીય ફરજોમાંથી મુક્ત કરે જેથી હું મારી આગામી ક્રિકેટ પ્રતિબદ્ધતાઓ પર ધ્યાન કેન્દ્રિત કરી શકું. મને લોકોની સેવા કરવાની તક આપવા બદલ હું માનનીય વડાપ્રધાન અને માનનીય ગૃહમંત્રી અમિત શાહનો હૃદયપૂર્વક આભાર માનું છું.ગૌતમ ગંભીર માર્ચ 2019 માં ભાજપમાં જોડાયો હતો અને ત્યારથી દિલ્હીમાં પાર્ટીનો એક અગ્રણી ચહેરો છે. તેમણે 2019ની લોકસભા ચૂંટણીમાં પૂર્વ દિલ્હી બેઠક પરથી ચૂંટણી લડી હતી અને આમ આદમી પાર્ટીને હરાવ્યા હતા. તેઓ 6,95,109 મતોના જંગી માર્જિનથી જીત્યા હતા. ગંભીર હાલમાં કોલકાતા નાઈટ રાઈડર્સ ફ્રેન્ચાઈઝીનો ટીમ મેન્ટર છે અને મુખ્ય કોચ ચંદ્રકાંત પંડિત સાથે કામ કરે છે. ગંભીરના નેતૃત્વમાં KKR 2012 અને 2014માં IPL ચેમ્પિયન બની હતી. આ વર્ષની IPL 22 માર્ચથી શરૂ થવા જઈ રહી છે.