જ્યોતિ CNC 5 હજાર ધમણ-3 સરકારને આપશે, તમામ ટ્રાયલમાં પાસ, ડોક્ટર કોઈ પણ જગ્યાએથી મોબાઈલમાંથી ઓપરેટ કરી શકશે

Published By : B.K.NEWS DAINIK
Published Date : 2020-08-28 12:56:12
Views : 481
Modified Date : 2020-08-28 12:56:12

રાજકોટમાં જ્યોતિ CNCએ ધમણ-3 અંગ સામે આવેલી RTI પર ખુલાસો કરતા જણાવ્યું હતું કે અમારૂ ધમણ-3 તમામ ટ્રાયલમાં પાસ થયું છે. ધમણ-3 માટે વિવાદો ઉભા કરવામાં આવ્યા હતા પણ આજે તે ફુલી ટ્રાયલમાં પાસ થયું છે. ધમણ-3માં ડોક્ટર મોબાઈલમાંથી ઓપરેટ કરી શકે તેવુ ફિચર્સ એડ કરવામાં આવ્યું છે. અત્યાર સુધી ડોક્ટરની હાજરી હતી. પરંતુ ડોક્ટર કોઈ પણ જગ્યાએ હશે ત્યાંથી તે જોઈ શકશે અને ઓપરેટ પણ કરી શકશે. સૌથી અપડેટ ફિચર અમે ધમણ-3માં એડ કર્યું છે. 5 હજાર ધમણ-3 તૈયાર કરીને જ્યોતિ CNC સરકારને આપશે. ધમણ-1માં કોઈ પણ પ્રકારની ખામી નથી. જ્યોતિ CNCને 5 હજાર વેન્ટિલેટરનો ઓર્ડર મળ્યો છે. મહત્વનું છે કે જુલાઈ મહિનામાં ધમણ-3 ટેસ્ટ માટે મોકલવામાં આવ્યું હતું. જે બાદ RTIમાં એવો ઉલ્લેખ ન હતો કે ધમણ-3 ફેલ છે. અમારૂ ધમણ 3 આજે ફુલી ટ્રાયલમાં પાસ થયું છે.જ્યોતિ CNCના માલિક પરાક્રમસિંહ જાડેજાએ જણાવ્યું હતું કે, ધમણ-1ને ફેઈલ કરવા માટે અમુક લોકોએ ખોટી મહેનત કરી હતી. અમે કામથી કામ રાખીએ છીએ. અમે આ બધામાં પડવા માગતા નથી. પણ આ તો ચેલેન્જ આવી એટલે સત્ય બહાર આવવું જોઈએ અને લોકો સુધી પહોંચવું જોઈએ. ખોટું કરવુ મોદી સરકારમાં શક્ય છે? સૌથી ઓછા 5 હજાર ઓર્ડર અમારા છે. જે લોકો બનાવે છે તે આગળ આવે છે. સરકારે બધાને તક આપી છે.પરાક્રમસિંહ જાડેજાએ વધુમાં કહ્યું હતું કે કોઈ પણ વિરોધ પક્ષ હોય એટલે વિરોધ કરવો એ એક તેની મેન્ટાલિટી છે. કોઈ પણ હોય પણ પારદર્શકતા રાખીને વિરોધ કરવો જોઈએ. RTI ધમણ માટે થઈ નથી. પણ પીએમ કેરના પૈસા ક્યાં વપરાયા છે તેના માટે થઈ છે. આપણું ટેસ્ટિંગ ચાલુ છે, પણ અમુક લોકોએ તો ફેલ્યરનો સિક્કો મારી દીધો છે. સનસની બનાવવા માટે અમુક લોકો આવું કરી રહ્યા છે. રાજકારણ કરતા લોકો મુદ્દે મારે કોઈ કમેન્ટ નથી કરવી. હું ભારતીય છું માટે મને ગર્વ છે કે મેં વેન્ટિલેટર બનાવ્યું. લોકોએ જોઈને અને સમજી વિચારીને વિરોધ કરવો જોઈએ. ધમણ ફેઈલ હોવાનું હજુ સુધી એક પણ ડોક્ટરે કહ્યું નથી. ઓર્ડરના કારણે એડવાન્સ પેમેન્ટ આપવામાં આવે છે. 120 કરોડના ઓર્ડરમાં માત્ર 8 કરોડ એડવાન્સ આપવામાં આવ્યા છે.હાલમાં 1200 જેટલા ધમણ-1 ભારતમાં કાર્યરત છે. રાજકોટ અને મોરબીના ઉદ્યોગમાં તમામ વસ્તુઓ શક્ય છે. આ સાથે જ જણાવ્યું હતું કે, ધમણ-3નો ભાવ અનેક મશીન કરતા 3થી 4 ગણો ઓછો છે. આગામી 2થી 3 મહિનામાં 5 હજાર ધમણ-3 તૈયાર કરીને સરકારને આપવામાં આવશે. સાથે જ મેક્સિકો અને બ્રાઝીલમાં ધમણ એક્સપોર્ટ કરવામાં આવશે. અમે થાક્યા વગર અને હાર્યા વગર કામ ચાલુ કર્યુ છે.કોવિડની સારવાર કરતા ડો.મયંક ઠક્કરએ જણાવ્યું હતું કે ધમણ-1 અમે વાપરીએ છીએ. જેનાથી અનેક દર્દીઓ સાજા થયા છે. 3થી 7 દિવસની અંદર જ દર્દીઓ સાજા થઈ જાય છે. રાજકોટની તમામ કોવિડ હોસ્પિટલમાં ધમણ-1 આપ્યા છે. જેના પરિણામ સારા આવ્યાં છે.