પંચકૂલા હિંસા: હનીપ્રીતને રાહત, કોર્ટે દેશદ્રોહના આરોપ હટાવ્યા

Published By : B.K.NEWS DAINIK
Published Date : 2019-11-06 18:08:44
Views : 428
Modified Date : 2019-11-06 18:08:44

ગત સુનાવણીમાં કેસમાં FIR નંબર 345માં હનીપ્રીતના વિરૂદ્ધ લાગેલા દેશદ્રોહની કલમ 121 અને 121એને હટાવી દેવાયા હતા કેમ કે પોલીસ કોર્ટમાં દેશદ્રોહ અને દેશદ્રોહનું ષડયંત્ર રચવાના આરોપ સાબિત કરી શક્યા નહીં. બાદમાં જે કલમ બચી હતી જેમાં જામીન થઈ શકતા હતા.પંચકૂલા હિંસા કેસમાં હરિયાણા પોલીસને મોટો ઝટકો મળ્યો છે. કેસની મુખ્ય આરોપી હનીપ્રીતને કોર્ટે જામીન આપી દીધા છે. હનીપ્રીતને આજે જ જામીન પર મુક્ત કરી દેવાશે એટલે કે આજે જ જેલમાંથી બહાર આવી જશે. કેસમાં આવતી સુનાવણી હવે 20 નવેમ્બરે થશે. આ ધ્યાનમાં રાખતા થયા જ હનીપ્રીતના વકીલે જામીન માટે અરજી દાખલ કરી. અરજી પર આજે સુનાવણી થઈ અને હનીપ્રીત વીડિયો કોન્ફ્રેસિંગ દ્વારા રજૂ થઈ. અન્ય આરોપી પ્રત્યક્ષ રીતથી કોર્ટમાં રજૂ થયા હતા. બંને પક્ષોની દલીલો સાંભળ્યા બાદ કોર્ટે નિર્ણય સંભળાવ્યા બાદ જામીન અરજી મંજૂર કરી લીધી. ઉલ્લેખનીય છે કે રામ રહીમને દોષી ઠેરવ્યા બાદ પંચકૂલામાં 25 ઓગસ્ટ 2017એ હિંસા થઈ હતી. જેમાં 36 લોકોના મોત નીપજ્યા હતા. હનીપ્રીત પર આરોપ છે કે તેમણે ડેરા સમર્થકોને હિંસા માટે ઉશ્કેર્યા હતા. જે બાદથી સમર્થકોએ પંચકૂલામાં હિંસા મચાવી હતી. રસ્તા પર ઉભેલી ગાડીઓને આગ લગાવી દીધી હતી.