બનાસકાંઠામાં કોરોનાનો કહેર યથાવત્, 2 મોત સાથે જિલ્લામાં નવા 16 પોઝિટિવ

Published By : B.K.NEWS DAINIK
Published Date : 2020-07-02 11:39:02
Views : 1761
Modified Date : 2020-07-02 11:39:02

પાલનપુરની બનાસ મેડિકલ કોલેજમાં બનાવાયેલા આઇસોલેશન વોર્ડમાં બુધવારે વહેલી સવારે 2 કોરોના દર્દીઓના મોત નિપજી ગયા હતા. હરિસિંહ ખૂબચંદ યાદવ અને તુલસીભાઈ લોહાણા નામના બન્ને દર્દીઓમાં પાલનપુરના વેપારી તુલસીભાઇ હેમરાજભાઇ લુહાણા (ઉં.વ 58)નો કોરોના રિપોર્ટ 21 જૂને પોઝિટિવ આવતાં તેમને સારવાર અર્થે પાલનપુર સિવિલમાં ખસેડાયા હતા. જોકે 10 દિવસની સારવાર બાદ 1 જુલાઈએ તેમને કોરોનાની સારવાર દરમ્યાન જ દમ તોડ્યો હતો. જ્યારે 27 જૂને કોરોના રિપોર્ટ પોઝિટિવ આવ્યા બાદ સારવાર અર્થે ખસેડાયા હતા. જ્યારે પાલનપુરની હરિઓમ સોસાયટીના રહેવાસી હરિસિંહ ખૂબચંદ યાદવ (ઉં.વ 70ને 4 દિવસની સારવારમાં જ મોત નિપજતાં હરિઓમ સોસાયટીમાં ફફડાટ પ્રસર્યો છે. જોકે મૃતકને અગાઉથી જ કેટલીક બીમારીઓ હોવાનું સિવિલના સૂત્રોએ જણાવ્યું હતું. તો બીજીતરફ જિલ્લામાં વધી 16 કેસો પોઝિટિવ આવ્યા હતા. આ 16 કેસમાં ડીસામાં 8, પાલનપુર 6, વાવ ભાભર 1-1 કેસ કોરોના પોઝિટિવ આવ્યા હતા. આમ જિલ્લામાં હવે કુલ સંકર્મીતોની સંખ્યા 226 પર પહુચી ગઈ છે. અનલોક દરમિયાન લોકલ સંક્રમણ વધતા પરિસ્થિતિ દિવસે અને દિવસે વકરતી જઈ રહી છે તેવામાં જુદા જુદા સમાજ્ના social whatsapp ગ્રુપમાં એકબીજાની તકેદારી રાખવા માટેના મેસેજ ની આપ-લે થઇ રહી છે. આ ઉપરાંત કેટલાક વેપારી આગેવાનોએ પણ એસોસિએશન સાથે ચર્ચા-વિચારણા કરી સંક્રમણ વધુ વકરે એ પહેલા સોશિયલ distance નું પાલન કરવા પર ભાર મૂકી રહ્યા છે. જિલ્લામાં ડીસા પાલનપુર જેવા મોટા શહેરોમાં ખુલ્લામાં વેચાતા નાસ્તા કેન્દ્ર ઉપર તકેદારી રાખવા જાગૃત નાગરિકો માંગ કરી રહ્યા છે. વાવના સોની બજારમાં રહેતા ચંદ્રિકાબેન મયાચંદભાઈ સોની (ઉ.વર્ષ 75)નામની વૃદ્ધ મહિલા બીમાર થતા ડીસા સારવાર દરમિયાન પોઝિટિવ આવતા મહિલાના ધરે પોસ્ટર મારી તે મહોલ્લામાં ધરે ધરે જઇ સર્વેની કામગીરી હાથ ધરી હતી અહીં આવેલ દુકાનો 14 દિવસ બંધ કરાવી હતી. ભાભરમાં આરોગ્ય વિભાગની ટીમે જોસનાબેન કનુભાઈ દારાજીનું કોરોના સેમ્પલ લીધું હતું જે પોઝિટિવ આવ્યું હતું. 23 વર્ષીય યુવતીનો રિપોર્ટ પોઝિટિવ આવતા ભાભરના વિસ્તારમાં સર્વે કામગીરી હાથ ધરવામાં આવી હતી.

ડીસામાં નોંધાયેલા 8 પોઝિટિવ