સુરતના ઉધનામાં બે દિવસ પહેલા જ માસીના ઘરે આવેલો બાળક પતંગ પકડવાની લ્હાયમાં હાયટેન્શન લાઈનના કરંટથી દાઝી ગયો

Published By : B.K.NEWS DAINIK
Published Date : 2020-10-06 12:21:08
Views : 325
Modified Date : 2020-10-06 12:21:08

શહેરની ઉધનાની સોનલ સોસાયટીમાં બે દિવસ પહેલા માસીના ઘરે આવેલો માસૂમ ધાબા ઉપર પતંગ પકડવાની લ્હાયમાં હાયટેન્શન લાઈનના કરંટથી ગંભીર રીતે દાઝી ગયો હતો. આજે સવારે બનેલી આ ઘટના બાદ 12 વર્ષના દર્શનને તાત્કાલિક સારવાર માટે 108ની મદદથી સ્મીમેર હોસ્પિટલ લઈ જવાયો હતો. હાયટેન્શન લાઇનના કરંટ લાગ્યા બાદ દર્શન સળગતી હાલતમાં પતરાં ઉપર ફેંકાઈ ગયો હોવાનું નજરે જોનાર વ્યક્તિએ જણાવ્યું હતુંહેમાન્સુ પાંડે (ઘટનાને નજરે જોનાર) એ જણાવ્યું હતું કે, સવારે લગભગ સાડા સાત વાગ્યા હતા. એક બાળક મકાનના ધાબાના પતરાં ઉપર સળગી રહ્યો હતો. ઘટનાને જોઈ લોકો દોડી ગયા હતા અને સળગતા બાળક પર પાણી અને કપડાથી આગને ઓલવવાનો પ્રયાસ કરતા હતા. એ જોઈ મેં તાત્કાલિક 108ને ફોન કરી બોલાવી લીધી હતી. ત્યારબાદ બાળકને 108માં સારવાર માટે હોસ્પિટલ લઈ ગયા હતા. ગલીના લોકો કહેતા હતા કે, ધાબા પર પતંગ ઉતારવા જતા બાળક હાયટેન્શન લાઇનને અડી જતા આગની લપેટમાં આવ્યા બાદ ફેંકાઈ ગયો હતોકૈલાશભાઈ (દર્શનના માસા) એ જણાવ્યું હતું કે, દર્શન મહારાષ્ટ્રનો વતની છે અને પરિવારનો એકનો એક દીકરો છે. શાળામાં વેકેશનને લઈ દર્શન અને એનું પરિવાર બે દિવસ પહેલા જ સુરત આવ્યું હતું. આજે સવારે દર્શન ઉઘમાંથી ઉઠ્યા બાદ ધાબા ઉપર ચાલી ગયો હતો. ત્યારબાદ બુમાબુમ થઈ જતા પરિવાર દોડી ગયો હતો. દર્શન ગંભીર રીતે દાઝી ગયેલી હાલતમાં મળી આવ્યો હતો. પતંગ પકડવા જતા દર્શન હાયટેન્શન લાઈનના કરંટથી સળગીને ફેંકાઈ ગયો હતો. જોકે, લોકો દોડી આવ્યા દર્શનને આગમાંથી ઉગારી 108ની મદદથી સારવાર માટે સ્મીમેર લઈ ગયા હતા. દર્શન 60-70 ટકા દાઝી ગયો હોવાનું ડોક્ટરો કહી રહ્યા છે.